Црна хроника
Тетовец сакал да прошверцува 10 илјади саксии
Минатата седмица македонските цариници во неколку наврати спречиле обид за недозволена трговија со разни предмети, меѓу кои и ракија, облека, масло за глисери …
Царинските службеници од Одделението за оперативни работи, при спроведување на царински контроли на граничниот премин Табановце– втопат на во петокот спречиле неколку обиди за нелегално внесување и изнесување на стока во и од територијата на Република Македонија биле запленети 10.500 парчиња саксии за цвеќе и 4.300 парчиња садници, пронајдени при скенирање на товарно моторно возило со македонски регистарски ознаки натоварено со саксии за цвеќе и садници, наменети за фирма-увозник од Тетово. Потоа 38 шишиња вино (Каберне Совињон, Император, Шардоне, Шираз), три шишиња ракија од 0.5 литри, при контрола на автобус кој сообраќал на редовна линија Белград-Скопје-Струга, управуван од лице со иницијали Х.Н од Струга. Непријавената стока била пронајдена на различни места во автобусот: во багажниот дел, кај моторот и кај седиштата на патниците и уште 12 литри ракија, шест мобилни телефони (Samsung и Nokia) и шест парчиња резервни делови за автобус (држачи и пумпи за квачило), пронајдени при скенирање на товарно моторно возило-ладилник со македонски регистарски ознаки. Возилото било натоварено со 20.500 кг. свежи костени од фирма-извозник од Неготино, наменети за фирма-увозник од Србија, а непријавената стока била пронајдена во кабината на возилото и во товарниот дел.Претходно бил спречен обид за нелегално внесување 288 литри QUICKSILVER моторно масло за чамци. Стоката била пронајдена во товарно моторно возило со македонски регистарски пријавено за транзитна постапка кое превезувало збирна стока за пет македонски фирми. При првичната контрола било утврдено дека во возилото се наоѓа моторно масло, чијшто увоз, како и увоз на секаков вид акцизна стока, не е дозволен преку граничниот премин Меџитлија. Поради тоа, возилото било однесено на царинскиот теминал Битола за детален преглед. Во документацијата на една од петте фирми приемачи била откриена неправилност, т.е моторното масло не било пријавено и наведено во ниту еден документ. Стоката, чијашто вредност изнесува 70 илајди денари е првремено задржана и изготвен е записник за царински прекршок. Вредноста на избегнатите давачки е 25.339,00 денари. Минатата седмица, на граничниот премин Дојран на влез во Република Македонија царинските службеници откриле непријавени 280 шишенца од 15 ml капки за очи “CATALIN” од јапонско производство. Стоката била пронајдена во делот за прикачување на приколката на товарно моторно возило – кипер, со македонски регистарски ознаки. Возилото превезувало никелова руда, а било управувано од македонски државјанин. Заради основано сомневање дека се работи за фалсификати на заштитени трговски марки, на граничниот премин Богородица – влез во Република Македонија, привремено се задржани 55 блузи со лого на заштитените трговски марки „Armani“, „Dolce&Gabbana“ и „Puma“. Истите биле пронајдени во камион со турски регистарски ознаки управуван од турски државјанин кој превезувало текстилни производи со турско потекло за увозник од Косово.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Жена истепана од својот вонбрачен партнер во центарот на Скопје
Вчера попладне во 13.00 часот во СВР Скопје, 48-годишна жена пријавила дека на 21.04.2024 околу 00.15 часот на подрачјето на Центар била физички нападната од нејзиниот вонбрачен партнер, 49-годишниот М.М. од Скопје, извести МВР.
По целосно документирање на случајот ќе следува соодветен поднесок.
Црна хроника
Расправија околу сообраќајна незгода заврши со тепачка меѓу двајца скопјани
Вчера попладне во 17.30 часот во СВР Скопје било пријавено дека на подрачјето на Ѓорче Петров, по расправија околу претходно случена сообраќајна незгода, бил нарушен јавниот ред и мир со физичка пресметка помеѓу 60-годишниот В.А. и 34-годишниот М.Ч., двајцата од Скопје, извести МВР.
По целосно документирање на случајот ќе следува соодветен поднесок.
Црна хроника
Во Тетовско, во предизборен молк се лепел пропаганден материјал, полицијата го расчистува случајот
Денеска во 01.05 часот полициски службеници од СВР-Тетово постапиле по пријава дека лица кои биле со патничко моторно возило, во тетовски села, во период на предизборен молк, лепат пропаганден материјал за претстојните претседателски избори, при што во тетовско Синичане биле затекнати Р.Р.(19) и малолетник, двајцата од истото село, како поставуваат пропагандни материјали за кандидат за претседател на претстојните претседателски избори, извести МВР.
Со нив е извршен службен разговор во Полициско одделение-Камењане, известен е јавен обвинител и се преземаат мерки за расчистување на случајот.