Црна хроника
Пронајдено телото на Лета Цветаноска Лазаревска во Охридско Езеро
Мртвото и прилично оштетено тело на 35-годишната Лета Цветаноска Лазаревска, водите на Охридското Езеро денеска го исфрлија на плажата под претседателската вила „Билјана“, на непристапниот дел од крајбрежјето меѓу хотелите „Парк“ и „Инекс Горица“, јави А1
Безживотниот труп на Лета, по 18-дневна потрага откако таа исчезна, денес околу 11 часот го пронашол инспектор од Охридската полиција.До доцна попладнево под вилата „Билјана“ траеше увидот на полицијата, истражниот судија, јавниот обвинител и вештак по судска медицина од Битола, што обдукција врз починатата изврши во Охридската болница.Според првичните неофицијални информации, Лета што во Охрид живееше со сопругот и две мали деца, не е насилно убиена, туку се работи за давење во езерските води, веројатно самоубиство, но причините за смртта ќе ги откријат резултатите од обдукцијата и содржината на писмото пронајдено во фрлената чанта на Лазаревска, најдена кај поранешната Детска болница во Свети Стефан.Ова е втор случај на исфрлање на мртов труп од Охридското Езеро за само шест дена, по оној од минатата сабота кога кај градското пристаниште во Охрид исплива мртвото тело на 61-годишниот Сребре Наумоски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.
Црна хроника
Ограбиле менувачница во Чаир, украле сеф со пари и избегале со возило без таблички
Вчера во 10.15 часот во СВР Скопје, М.Д.(42) од Скопје пријавил дека околу 04.20 часот неколку лица со употреба на сила и погоден предмет влегле во неговата менувачница на подрачје на Чаир и одзеле сеф со пари, по што заминале со патничко возило „фолксваген џета“ без регистарски ознаки.
По преземени мерки и активности, возилото било пронајдено на паркинг простор на подрачје на Чаир.
Се преземаат мерки за целосно расчистување на случајот.
Црна хроника
Скопјанец нападнал вработена во нотарска канцеларија
Скопјанец нападнал вработена во нотарска канцеларија.
На 16.04.2024 во 11.45 часот во СВР Скопје било пријавено дека во нотарска канцеларија во Скопје, Б.Ј. од Скопје физички нападнал една вработена.
Се преземаат мерки за расчистување на случајот.