Црна хроника
Царината заплени повеќе фалсификувани стоки
Царинската управ и информира дека при спроведување на редовни контроли на граничните премини и внатрешноста минатите неколку дена, царинските службеници спречија неколку обид на нелегално внесување стока која постои сомневање дека претставува фалсификат на заштитена трговска марка
Имено, при преглед на разна стока за доработка со потекло од Европската Унија, превезувана во товарно моторно возило со црногорски регистарски таблички, а пријавена за увозно царинење вчера (09.12.2009г.) на царинската испостава Штип, царинските службеници констатирале дека покрај пријавената има и непријавена стока и тоа: 1.779.48 метри квадратни памучна и синтетичка ткаенина, во вкупна тежина од 1.934,65 килограми и 997,11 килограми помошен материјал (конци, копчиња, додатоци) чијашто вкупна вредност изнесува 4.032.242,00 денари. При тоа, направен е обид за избегнување на плаќање на увозни давачки од околу 1.334.000,00 денари. Непријавената стока е привремено задржана ,а против превозникот ќе биде поднесено барање за поведување на прекршочна постапка до Комисијата за одлучување по прекршок во Царинската управа на Република Македонија.Покрај тоа, при вршење на редовни контроли на граничните премини и во внатрешноста на државата во текот на вчерашниот ден (09.12.2009 година), царинските службеници од Одделението за оперативни работи, привремено ја задржаа следната стока: 1.723 парчиња различна техничка стока, меѓу кои и 101 мобилен телефон, со лого на трговските марки Nokia и Samsung, 55 играчки – (playstation) со ознака на трговската марка Sony, додатна опрема (околу 600 мемориски картички за камери и апарати, 140 џојстици) и резервни делови за мобилни телефони (550 полначи, 240 батерии, 50 футроли), со лого на трговските марки Sony, Nokia, Samsung, Sony Ericsson, Motorola, I phone поради основано сомневање дека претставуваат фалсификат на заштитена трговска марка. Стоката која била наменета за пазарот во Република Македонија, привремено е задржана, а согласно одредбите од Законот за заштита на правата од интелектуална сопственост, Царинската управа ќе започне постапка за утврдување на нејзината оригиналност: 600 парчиња халогени сијалици и 500 парчиња филтри за бензин откриени при преглед на стока со кинеско потекло, пријавена за увозно царинење на царинската испостава Скопје 1013 од страна на фирма-увозник од Скопје. Непријавената стока е привремено одземена, а против фирмата-увозник ќе биде поднесено барање за поведување на прекршочна постапка до Комисијата за одлучување по прекршок при Царинската управа на Република Македонија. 908 парчиња различни текстилни производи (пижами и блузи), откриени при контрола извршена на патот Куманово-Скопје во близина на Агино Село на патничко моторно возило со македонски регистарски ознаки управувано од лице со иницијали Б.Г од Крива Паланка, кое претходно било запрено од страна на припадници на Министерството за внатрешни работи. Возачот не поседувал никаква документација за платени увозни давачки и за потекло на стоката. Непријавената стока е привремено одземена а против возачот ќе биде поднесено барање за поведување на прекршочна постапка до Комисијата за одлучување по прекршок при Царинската управа на Република Македонија. При редовни контроли извршени на 6 и 7 декември 2009 година, царинските службеници од граничниот премин Табановце – автопат, спречиле неколку обиди за нелегално внесување на стока на територијата на Република Македонија. При тоа, привремено се задржани: 2 воздушни пушки “DIANA MOD 23” и “WEIHRAUCH HW 35” со калибар 4,5, пронајдени при контрола на патничко моторно возило марка VW Passat со австриски регистарски таблички, управувано од македонски државјанин со иницијали К.З. Пушките биле прекршени и завиткани со самолеплива лента, завиткани во ветровка и сокриени во задниот дел од возилото. 30 пара тренерки, со ознаки на фудбалски клуб Миравци и Еvetex и 30 дреса со ознаки Еvetex, откриени при преглед на кабината и товарниот дел на товарно моторно возило со српски регистарски таблички, управувано од српски државјанин со иницијали С.Н. 16 машки и женски козметички колекции (BOSS PURE, LACOSTE ESSENTIAL LACOSTE POUR FEMME), 5 тоалетни води за жени MUSTANG FRAGRANCES WOMAN и 3 запалки RONSON со висока вредност, откриени при претрес на патничко моторно возило RENAULT LAGUNA со словенечки регистарски таблички управувано од лицето А.Б., државјанин на Република Словенија. Стоката била пронајдена во багажниот простор и во просторот зад совозачкото седиште (во картонски кутии прекриени со други лични предмети). Непријавената стока е привремено одземена, а против прекршителите ќе бидат поднесени барања за поведување на прекршочна постапка до Комисијата за одлучување по прекршок при Царинската управа на Република Македонија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.