Црна хроника
На „Богородица“ откриени 29 авганистански мигранти
Дваесет и девет авганистански илегални мигранти се откриени вчера на граничниот премин Богородица. Биле сокриени во камион со македонски регистарски ознаки, иформира МВР
Како што соопшти во вторникот Министерството за внатрешни работи, мигрантите од Авганистан биле пронајдени во камион со штипска регистерска табличка, управуван од 52 годишен жител на Радовиш. Царинските службеници се одлучиле да извршат детален преглед на камионот, бидејќи утврдиле дека тој за два тона бил потежок од предвиденото.Откако било пристапено кон контрола на товарот (портокали) при отварањето на задната врата еден од мигрантите скокнал од камионот и се дал во бегство, истиот брзо бил совладан, а вратата на камионот веднаш затворена.Сите 29 авганистански мигранти поседуваат грчки документи за привремен престој во Грција. Од разговорот со мигрантите дознаено е дека тие платиле од 300- 700 евра од човек, на две лица по националност курди во градот Патра за да им организираат превоз до Италија.Мигрантите, кои претходно преку Турција и Иран, влегле во Грција, во камионот биле натоварени доцна вечерта на 12-ти декември. Тие сега се згрижени во транзитниот центар и од страна на одговорните им е пружена соодветна медицинска нега, бидејќи дел од нив биле во влошена здравствена состојба.Возачот на камионот се брани дека не знаел ништо, ниту каде, ниту како влегле мигрантите во камионот. Во исказот пред инспекторите единствено потенцира дека се задржал 10 часа на паркингот на пристаништето во градот Патра, додека чекал траект и најверојатно ноќта додека спиел, лицата без негово знаење биле товарени во камионот Против 52-годишниот возач ќе биде поднесена кривична пријава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривична против битолчанец, ставил под хипотека туѓ недвижен имот во Охрид и стекнал корист од 352 илјади денари
СВР Охрид поднесе кривична пријава против 61-годишниот К. Р. од Битола поради постоење основи на сомнение за сторени кривични дела неизвршување судска одлука и самовластие.
„Тој, свесно и спротивно на судска пресуда, става под хипотека недвижен имот во Охрид сопственост на друго лице и на тој начин стекнал противправна имотна корист од 352.000 денари“, велат од СВР Охрид.
Топ
Го оградил државното земјиште зад Поликлиниката „Бит-пазар“ и наплаќал за приватен паркинг: кривична за скопјанец
Единицата за економски и компјутерски криминал при СВР Скопје поднесе кривична пријава против А. Р. (62) од Скопје и против правно лице од Скопје за сторено кривично дело узурпација на недвижности од чл. 225 од КЗ на РСМ.
А. Р. како сопственик и управител на второпријавеното правно лице подолг временски период противправно завладеал имот, сопственост на државата, и го ставил во владение на своето правно лице.
Имотот што се наоѓа веднаш до цветниот пазар зад Поликлиниката ‘Бит-пазар’ во Скопје, кој претставува градежно неизградено земјиште во општа употреба во сопственост на државата, А. Р. противзаконски го оградил со наплатна рампа и куќарка за наплата на влез-излез на предметното земјиште, каде што за секој влез-излез наплаќал соодветен паричен надомест и на тој начин го оневозможил слободното движење и користење на предметниот простор од страна на граѓаните и институциите на РСМ.
Црна хроника
Уапсен 39-годишник од Студеничани, возел „џип компас“ евидентиран во базата на Интерпол како украден
Вчера попладне, во 15.40 часот, на граничниот премин Долно Блаце, полициски службеници го лишиле од слобода 39-годишниот Џ. Р. од село Црн Врв, општина Студеничани, извести МВР.
„При извршена гранична контрола било констатирано дека патничкото возилото ‘џип компас’, со италијански национални ознаки, кое го управувал, сопственост на правно лице од Италија, е евидентирано во базата на Интерпол како украдено“, соопшти МВР.
Тој бил задржан во Полициското одделение Мирковци, а возилото било одземено за понатамошна постапка. По целосно документирање на случајот, ќе биде поднесен соодветен поднесок.