Црна хроника
Банда дивеела низ Кочани
Неколкумина насилници во петокот по полноќ правела инциденти низ Кочани,претепувајќи повеќе лица и кршејќи низ локaлните кафетерии
Насилниците кои кочанската полиција ги идентификувала по прекарите Момчо, Цингел, Дуло, ЈАјце, Гано, Ш’шки, Пеанчо и Белио, во кафетеријата „Фама“ нападнале 35-годишен маж, нанесувајќи му тешки телеснни повреди, поради што е задржан на лекување во кочанскиот Медицински центар. Потоа групата влегла во локалот „Нокс“ каде го скршиле лап-топот, шанкот и неклолку маси и столчиња, а потоа со пивско шѓише во главата го удриле сопственикот на кафетеријата.По демолирањето, насилниците својот поход го продолжиле во кафулето „Манус“, јаде физички нападнале 19-годишна девојка која полесно ја повредиле. На крајот од своето дивеење, пред кафеаната „Два другара“ начекале 28-годишен сограѓанин, кого го претепале удирајќи го со тупаници и клоци, од што тој добил сериозни повреди. Од кочанската полиција велат дека по примените пријави, преземаат дејствија за приведување и расчистување на случајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Го оградил државното земјиште зад Поликлиниката „Бит-пазар“ и наплаќал за приватен паркинг: кривична за скопјанец
Единицата за економски и компјутерски криминал при СВР Скопје поднесе кривична пријава против А. Р. (62) од Скопје и против правно лице од Скопје за сторено кривично дело узурпација на недвижности од чл. 225 од КЗ на РСМ.
А. Р. како сопственик и управител на второпријавеното правно лице подолг временски период противправно завладеал имот, сопственост на државата, и го ставил во владение на своето правно лице.
Имотот што се наоѓа веднаш до цветниот пазар зад Поликлиниката ‘Бит-пазар’ во Скопје, кој претставува градежно неизградено земјиште во општа употреба во сопственост на државата, А. Р. противзаконски го оградил со наплатна рампа и куќарка за наплата на влез-излез на предметното земјиште, каде што за секој влез-излез наплаќал соодветен паричен надомест и на тој начин го оневозможил слободното движење и користење на предметниот простор од страна на граѓаните и институциите на РСМ.
Црна хроника
Уапсен 39-годишник од Студеничани, возел „џип компас“ евидентиран во базата на Интерпол како украден
Вчера попладне, во 15.40 часот, на граничниот премин Долно Блаце, полициски службеници го лишиле од слобода 39-годишниот Џ. Р. од село Црн Врв, општина Студеничани, извести МВР.
„При извршена гранична контрола било констатирано дека патничкото возилото ‘џип компас’, со италијански национални ознаки, кое го управувал, сопственост на правно лице од Италија, е евидентирано во базата на Интерпол како украдено“, соопшти МВР.
Тој бил задржан во Полициското одделение Мирковци, а возилото било одземено за понатамошна постапка. По целосно документирање на случајот, ќе биде поднесен соодветен поднесок.
Црна хроника
Уапсена жена во Гостивар, ограбила продавница
Вчера во 13.15 часот во Гостивар, полициски службеници на СВР Тетово – Одделение за внатрешни работи Гостивар ја лишиле од слобода 47-годишната С.Ѓ., која непосредно пред тоа во трговски објект на улица „Илинденска“ во Гостивар противправно одзела неколку предмети, извести МВР.
Одземените предмети биле вратени во објектот, а по целосно документирање на случајот ќе следува соодветен поднесок.