Полицијата вчера го приведе М.Ш.(25) од Скопје, поради основано сомнение дека сторил тешка кражба, ноќта на 14/15.5.2020 во стан на ул. Вамбел во Скопје.

„По добиена наредба од кривичниот суд во Скопје, полициските службеници извршија претрес во домот кај М.Ш. и при претресот се пронајдени предмети кои потекнуваат од наведеното кривично дело“, соопшти МВР.

Осомничениот е приведен во Полициска станица Гази Баба и против него ќе биде поднесена кривична пријава.

Министерството за внатрешни работи, во соработка со германската полиција, во Хамбург го приведе и преку екстрадициска постапка го донесе во Северна Македонија лицето Ѓ.М. за кое се трагаше со осум потерници.

Тој е осуден на затворска казна со вкупно времетраење од 20 години за извршени тешки кражби и криумчарење мигранти.

Од МВР информираат дека во периодот од 15 септември до 20 октомври на територијата на Република Северна Македонија приведени се над 100 лица за издржување затворска казна до 10 години и истите се спроведени во казнено-поправните институции.

Дваесет и двегодишен скопјанец е тешко повреден откако вчера попладне со мотор паднал на скопската обиколница, во близина на клучката Смилковци.

Во незгодата мотоциклистот Д.И. се здобил со тешки телесни повреди, констатирани во комплексот клиники „Мајка Тереза“. Извршен бил увид на местото на незгодата од увидна екипа од СВР Скопје.