Црна хроника
Кривични пријави за директорите на Здравствен дом Охрид
Актуелните директори на Здравствениот дом во Охрид, заработија кривични пријави, поради основано сомнение дека се сторители на кривичното дело „Несовесно работење во службата”, јави Ohridnews
Двајцата пријавени директори на Јавната здравствена установа „Здравствен дом” Охрид, со свесно пропуштање на должен надзор и очигледно несовесно постапување во вршење на своите должности и овластувања, во периодот од октомври 2006 до октомври 2009 година, не презеле никакви мерки за наплата на лакови во износ од 546.914 денари, со што го оштетиле Здравствениот дом односно државниот Буџет.Според СВР Охрид, пријавените со комисиски пописни листи и две фактури, продале лекови со исправен рок на употреба, од здравствен дом, на концесионер на Аптека од селото Белчишта. Во текот на Декември 2007 година, купувачот на лековите, самоволно ја откажал концесијата и лековите кои воопшто не биле платени и ги вратил во охридскиот Здравствен дом. Дел од повратените лекови биле со поминат рок, но пријавените не презеле никакви мерки кон концесионерот, не побарале и не спровеле наплата и лековите едноставно ги примиле назад. Покрај тоа, директорите, од страна на Бирото за лекови на РМ, побарале поништување на лековите односно нивно термичко спалувања.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Маж од Радовиш со месеци сексуално вознемирувал малолетно девојче
Радовишанец со месеци силувал малолетничка
Вчера, во Полициската станица Радовиш било пријавено дека 45-годишен жител на Радовиш во периодот од јануари до април 2024 година во повеќе наврати извршил обљуба врз малолетничка од радовишко село.
За настанот бил запознаен јавен обвинител од Основното јавно обвинителство Струмица по чии насоки се преземаат мерки за целосно расчистување на случајот.
Црна хроника
Тешко повредено 22-годишно момче, падналo од мопед на коловоз
Вчера, вo 14.30 часот, во СВР Скопје било пријавено дека на крстосницата од улицата Методија Андонов-Ченто со сервисната улица што ги поврзува клучката Ченто и булеварот Александар Македонски, М. Н. (22) од с. Арачиново, Скопско, кој управувал мопед со тетовски регистарски ознаки, паднал на коловозот.
Во несреќата тешки телесни повреди добил М. Н., констатирани во комплексот клиники „Мајка Тереза“.
Извршен бил увид од екипа на СВР Скопје.
Црна хроника
Тетовец агресивно се однесувал со полицаец што вршел обезбедување на претседателските избори
Вчера, во 18.45 часот, полициски службеници од СВР Тетово пред влезот на основно училиште во Тетово го привеле Ѓ. Ј. (37) од Тетово затоа што агресивно се однесувал кон полициски службеник што вршел обезбедување при одржувањето на претседателските избори.
По документирање на случајот, ќе следува соодветен поднесок.