Црна хроника
Корисник на инвалидска пензија се заканувал на А1 Телевизија
Министерството за внатрешни работи соопшти денеска дека ги расчисти пријавените закани кои преку електронска пошта стигнале на адреса на Телевизија „А1“
По претходно преземени мерки и направени проверки од страна Одделот за компјутерски криминал, утврдена е интернет адресата и местото од каде што се испраќани пораките.
Како автор на пораките е идентификуван И.М.(56) од Охрид, кој воопшто не се обидел да користи лажен идентитет при испраќањето на пораките. Кај И.М. кој живеел сам и е корисник на инвалидска пензија, со судска наредба е извршен претрес, а при претресот не е пронајдено никакво оружје или експлозиви со кои би можел да ги оствари заканите. Со судска наредба е одземен компјутерот, а И.М. е повикан на разговор во СВР Охрид.При извршениот разговор И.М. не негирал дека ги испратил пораките, појаснувајќи дека тоа го сторил револтиран од ставовите на телевизијата без намера да ги реализира.
Од извршените проверки утврдено е дека против И.М. досега воопшто не се поднесувани никакви кривични пријави и дека истиот не и е познат на полицијата.По целосно комплетирање и документирање на случајот, а во консултација со надлежниот Јавен Обвинител против И.М. ќе биде процесуиран соодветен поднесок.На адресата на А1 Телевизија почнале да стигнуваат смртни закани за новинарите по одржувањето на симулацијата на преговорите со Грција за името, минатиот викенд во Охрид.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.