Црна хроника
МВР: Заплената на оружјето е тежок удар за екстремистите
Очекувано е по големата полициска акција да се јават поединци и групи со различни ставови по медиумите, бидејќи заплената на оружје беше огромна и со тоа им се нанесе тежок удар на ваквите групи
Ова e реакцијатана Министерството за внатрешни работи, откако ОНА преку соопштение испратено по електронска пошта до редакцијата на Алсат-М телевизија, ја презеде одговорноста за инцидентот на Блаце.„Се информира албанската јавност во БЈРМ дека на ден 28.04.2010 кај месноста Студен на Скопска Црна Гора,каде се наоѓал пункт за снабдување на ОНА,нашите војници наидоа на заседа на вооружените сили на славомакедонците“ стоеше во вчерашното соопштение испратено од организацијата.Во него, дури се вели дека исходот од акцијата на полициските специјалци е “еден убиен од страната на непријателот и еден е полесно повреден војник од единицата за логистика на ОНА“. МВР оваа информација ја оценува како апсолутно неточна.
По соопштението владејачката ДУИ ги повика граѓаните да не подлегнуваат на вакви провокации. „Лидерот на војната во Македонија беше и засекогаш ќе остане Али Ахмети“ стои во реакцијата на ДУИ. За опозициската ДПА, ваквиот став на ДУИ е заплашување не само на премиерот Никола Груевски, туку и на целата јавност.Полицијата минатата недела во близина на македонско-косовската граница,по судир со група од 12 униформирани лица, кои ги чувале бункерите, заплени огромно количество современо оружје, вклучувајќи мини, рачни фрлачи, гранати и тешки митралези.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.