Црна хроника
Уапсените во Желино биле поврзани со групата кај Радуша
Постојат одредени индиции за инволвираност на лицата кои беа уапсени синоќа во тетовско Желино со некој од лицата кои беа членови на групата која беше елиминирана кај скопското село Радуша, велат од МВР
Неофицијално, ова лице било логистика на Шабан Зенуни од тетовското село Мерово, кој беше убиен пред два дена во полициската акција кај Радуша.Полицијата синоќа уапси четири лица од тетовското село Ново село, Желино, педесет и деветгодишниот Демир Мифтери и неговите тројца синови.При претрес на неговата куќа и штала полицијата пронашла поголема количина на оружје и тоа три автоматски пушки, четири различни пиштоли и револвери, 30 рамки за муниција, поголема количина на муниција три тромблонски мини, три калапи за експлозив и друг вид на оружје и муниција.„Во текот на ноќта беа извршени службени разговори со сите четворица, при што таткото на семејството го призна делото и кажа дека самиот го набавил и складирал оружјето. Најголем дел од оружјето потекнувал од конфликтот во 2001 година така што по целосно документирање и комплетирање на случајот против сопственикот во текот на денешниот ден ќе биде поднесена кривична пријава за недозволено држење и тргување со оружје“, изјави портпаролот на МВР, Иво Котевски.Полицијата продолжува да работи на овој случај, за тоа кои биле контактите со групата која беше елиминирана во тетовското село Радуша и евентуална инволвираност и на други лица во оваа група.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Детали за кражбата на сефот во скопско Црниче: 23-годишник е еден од осомничените
Основното јавно обвинителство Скопје поведе постапка против 23-годишник осомничен за кривично дело тешка кражба од член 236 став 1 точка 1 од Кривичниот законик.
Ноќта меѓу 31 март и 1 април, осомничениот, заедно со уште три лица, провалил во затворен маркет на улицата Востаничка во Скопје, одзеле метален сеф во вредност од 12.000 денари, дневен промет во износ од 228.000 денари и цигари вредни 45.000 денари, или сѐ во вкупна вредност од 285.000 денари.
Со возило пристигнале пред маркетот, со употреба на погоден алат – хебла, клешти и друго дејствувале врз влезната врата од маркетот, но не успеале да ја отворат. Еден од сторителите го стартувал возилото и удрил со задниот дел кршејќи ги двете лизгачки врати. Потоа тој и другите осомничени ги демонтирале и ги поставиле покрај влезот од маркетот. Преку така направениот отвор, сега осомничениот, заедно со другите лица, влегол во просторијата наменета за вработените, од каде што ги одзеле металниот сеф со дневен промет и цигарите, па заминале во непознат правец.
Бидејќи постојат околности што очигледно укажуваат на опасност од бегство, јавниот обвинител до судијата на претходна постапка од Основниот кривичен суд Скопје достави предлог за определување мерка притвор на осомничениот. Полицијата соопшти дека работи на откривање на неговите соучесници.
Црна хроника
Казни за 153 возачи во Скопје
Секторот за внатрешни работи Скопје во текот на вчерашниот ден (18.04.2024) продолжи со контролите во областа на сообраќајот.
На територија на град Скопје изречени се вкупно 153 мерки, меѓу кои за возење повеќе од дозволената брзина 28 санкции, 13 мерки за возење без возачка дозвола, 13 санкции за прекршоци што ги прават возачите на мотоцикл, девет мерки за користење мобилен телефон при возење.
Сообраќајните контроли продолжуваат и во наредните денови, најави МВР и апелира до граѓаните да ги почитуваат сообраќајните правила и прописи за посигурни патишта.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.