Црна хроника
Насилници дивееле во Кочани
Група од неколку непознати лица ноќеска во Кичево со дрвени палки и метални шипки повредиле неколку лица, го искршиле инвентарот на дискотеката „Тропикана“ и оштетиле четири возила
Ова денеска го соопшти министерството за внатрешни работи, додавајќи дека досега се приведени пет лица, осомничени дека учествувале во инцидентот, што се случи денеска 55 минути по полноќ.Според полицијата, група од неколку непознати маскирани лица, со дрвени палки и метални шипки во дискотеката „Тропикана“ лоцирана на градскиот базен, почнале да го кршат инвентарот и да удираат по присутните гости и обезбедувањето.Од ударите со телесни повреди се здобил В.Ј.(1979) од Кочани и неколку од присутните гости. Од извршеното насилство биле оштетени и 4 возила кои биле паркирани пред дискотеката и тоа: „Тико“, „Нисан Терано“ и две „Сеат Кордоба“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж и женa нападнати со метален предмет во Ранковце
Синоќа во 22.50 часот во Полициско одделение Ранковце Д.И. (34) пријавил дека во село Ранковце со метален предмет бил нападнат од Т.А. , а исто така Б.Т. пријавила дека била физички нападната од Д.И.
Полицијата соопшти дека се преземаат мерки за расчистување на случајот.
Топ
Маж од Радовиш со месеци сексуално вознемирувал малолетно девојче
Радовишанец со месеци силувал малолетничка
Вчера, во Полициската станица Радовиш било пријавено дека 45-годишен жител на Радовиш во периодот од јануари до април 2024 година во повеќе наврати извршил обљуба врз малолетничка од радовишко село.
За настанот бил запознаен јавен обвинител од Основното јавно обвинителство Струмица по чии насоки се преземаат мерки за целосно расчистување на случајот.
Црна хроника
Тешко повредено 22-годишно момче, падналo од мопед на коловоз
Вчера, вo 14.30 часот, во СВР Скопје било пријавено дека на крстосницата од улицата Методија Андонов-Ченто со сервисната улица што ги поврзува клучката Ченто и булеварот Александар Македонски, М. Н. (22) од с. Арачиново, Скопско, кој управувал мопед со тетовски регистарски ознаки, паднал на коловозот.
Во несреќата тешки телесни повреди добил М. Н., констатирани во комплексот клиники „Мајка Тереза“.
Извршен бил увид од екипа на СВР Скопје.