Црна хроника
Малолетник ранет со куршум во грб
Дете на возраст од 13 години ноќеска околу три часот било рането со еден куршум во грб, во близина на основното училиште Гоце Делчев во Гостивар
Малолетникот заедно со уште четворица негови другари, сите од село Неготино Полошко, како што и кажале на полицијата, дошле во Гостивар за да се прошетаат низ градот.Поминувајќи покрај училиштето еден од малолетниците извадил пиштол и тие почнале да пукаат во воздух. Кога дошол редот на 16 годишниот Џ.С. наместо да пука во воздух не сакајќи го погодил неговиот три години помлад другар.Кога виделе што се случува викнале такси и го однеле детето во болница во Гостивар. Од таму детето било префрлено на скопските клиники и сега се наоѓа надвор од животна опасност.Четворицата малолетници се повикани во Полициската станица Гостивар и се работи на расветлување на случајот, по што ќе следуваат соодветни пријави.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Доживотен затвор за лице кое на свиреп начин уби жена во Кочани
По поднесено обвинение од Основното јавно обвинителство Кочани, а по признание на вина, Основниот суд во Кочани донесе осудителна пресуда за едно лице за кривично дело – Убиство извршено при родово базирано насилство и на свиреп начин, при што за сторителот е изречена казна – доживотен затвор.
Обвинетиот, на 25.09.2023 година на свиреп начин лиши од живот жена, нанесувајќи и многубројни убоди со нож.
Во обвинението, Основното јавно обвинителство Кочани го товареше обвинетиот и за кривично дело – Уцена кон истата оштетена, сторено пред убиството. Меѓутоа тоа дело обвинетиот не го призна, постапката е раздвоена и за тој дел од обвинението ќе продолжи судска постапка.
Црна хроника
Кучиња скитници искасаа три лица во Скопје
Синоќа, во 20.45 часот, во Полициската станица Аеродром, К. И. (48) од Скопје пријавила дека на улицата Владимир Комаров во Скопје била касната од куче скитник.
Истиот ден околу 14.20 часот во Полициската станица Карпош, Б. Р. (54) од Скопје пријавил дека во Градскиот парк во Скопје бил каснат од куче скитник.
Вчер,а во 15.45 часот, во Полициската станица Драчево, А. Н. (52) од Скопје пријавил дека на улицата Јустинијан Први во Скопје бил каснат од куче скитник.
Црна хроника
Возило излетало од патот Куманово – Скопје, возачот тешко повреден
Синоќа, во 19.20 часот, во СВР Куманово било пријавено дека на регионалниот пат Куманово – Скопје, кај с. Ново Село, Кумановско, патничко возило „сеат“, со кумановски регистарски ознаки, управувано од А. З. (20) од Куманово, излетало надвор од коловозот.
Во несреќата тешки телесни повреди добил возачот, констатирани во комплексот клиники „Мајка Тереза“ во Скопје.
Извршен бил увид од екипа на СВР Куманово.