Црна хроника
Кичевскиот бизнисмен бил убиен по грешка
Кичевскиот бизнисмен Џемаил Ајрула, кој синоќа беше изнашетан во центарот на Кичево, бил убиен по грешка, соопшти СВР Охрид
Убиецот Јусуф Бајрами, кој полицијата го уапси рано утрово околу 3 часот во селото Стрелци, имал друга цел.Според СВР Охрид, Бајрами сакал да убие друг кичевец кој заедно со Ајрула седел во ресторан во центарот на Кичево. Сакал да се одмазди за тепачка која се случила пред четири години. Според нивните информации, убиството се случило кога од ресторанот прв излегол Ајрула, па Бајрами мислејќи дека тој е неговата мета, го изрешетал со калашников.
Според првичните информации, како и исказите на очевидците, убиството се случило кога убиецот од возило во движење пукал кон бизнисменот кој се возел со мотор.
Според тие информации, убиецот наводно се препознал во друго лице со кое имал нерасчистени долгови.Кичевскиот бизнисмен се вратил од САД во родното Кичево само пред неколку дена. Тој бил убиен на најфреквентното место во Кичево, на улиците „Амит Челопеченец“ и „Белградска“.
На местото на убиството се пронајдени 23 чаури од огнено оружје. Пронајдена е и автоматската пушка од која е пукано и е испратена на вештачење, соопшти СВР Охрид.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.