Црна хроника
„Клајд“ бил избеган од „Идризово“
Кумановецот Рубин Андоновски кој заедно со својата девојка од Скопје убиваа и ограбуваа во Скопје и Куманово бил избеган од „Идризово“, соопшти Министерството за надворешни
Дваесет и четиригодишниот Рубин Андоновски се криел во домот на седумнаесетгодишната девојка. Полицијата го сомничи за нападот на таксистот во Ченто и за убиството на кумановскиот бизнисмен.Полицијата поднесе кривична пријава против него за убиство, како и против неговата девојка, татко и и тетка и за соизвршителство.Двојката, која во јавноста се поистоветува со познатата Бони и Клајд, вчера беше уапсена за напад на таксист во населбата Ченто. Пред една недела влегле вооружени во такси возилото пред кино Маџари.Андоновски го извадил пиштолот и му барал пари на таксистот. Таксистот се бранел дека немал пари, па Андоновски го застрелал. Таксистот помина со лесна повреда и преживеа.По апсењето полицијата откри дека Андоновски пред околу десетина дена го убил кумановскиот бизнисмен Горан Трајановски пред влезната врата на неговиот стан. Четворицата разбојници се договориле да го ограбат кумановскиот бизнисмен.Со такси пристигнале во близината на неговата куќа на улица „АВНОЈ“ и провериле дали тој е дома. Се обиделе да го ограбат, но бидејќи давал отпор и викал помош Андоновски го удрил со рачката од пиштолот во главата, а потоа го ранил со куршум. Сите четворица избегале во Скопје со „мазда“ која ја украле од Куманово.Андоновски заедно со неговата девојка се во притвор, а таткото на девојката се уште е на информативен разговор во СВР Куманово
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.