Црна хроника
Се самоуби притвореник во Гевгелискиот затвор
Притвореникот Васе Серафимов се самоубил давејќи се со чаршав, во петокот навечер на сабота во затворот во Гевгелија, соопшти Управата за извршување санкции
Изутрината во седум часот командирот на смена во Гевгелискиот затвор при отварање на просторијата забележал дека Васе Серафимов бил врзан за прозорецот со чаршаф пресечен од душеотк. Телото на притвореникот веднаш било спуштено со сечење на чаршавот за душек на подот и бил повикан затворскиот лекар и брза помош, но била констатирана смрт.Како што се наведува во соопштениоето, за настанот се известени и на лице место направиле увид претставник од Министерството за внатрешни работи – Гевгелија, истражен судија и јавен обвинител од Велес, заради преземање натамошни мерки и телото на Серафимов е предадено на обдукција.Упрвата соопшти дека против директорот на Гевгелискиот затвор е поведена постапка за утврдување одговорност, бидејќи не го почитувал решението на министерот за правда притворените лица од подрачјето на сите основни судови во земјата за кривични дела за кои е пропишана казна затвор од најмалку 10 години или доживотен затвор да се упатуваат на издржување на мерката притвор во Затвор Скопје, во скопската населба Шутка. Васе Серафимов на 21 април во својот дом во Радовиш го уби својот татко Симеон. Требаше да му се суди за кривично дело убиство со лишување од живот при вршење семејно насилство, за кое според Кривичниот законик е предвидена казна затвор од најмалку десет години или доживотен затвор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кучиња скитници искасаа три лица во Скопје
Синоќа, во 20.45 часот, во Полициската станица Аеродром, К. И. (48) од Скопје пријавила дека на улицата Владимир Комаров во Скопје била касната од куче скитник.
Истиот ден околу 14.20 часот во Полициската станица Карпош, Б. Р. (54) од Скопје пријавил дека во Градскиот парк во Скопје бил каснат од куче скитник.
Вчер,а во 15.45 часот, во Полициската станица Драчево, А. Н. (52) од Скопје пријавил дека на улицата Јустинијан Први во Скопје бил каснат од куче скитник.
Црна хроника
Возило излетало од патот Куманово – Скопје, возачот тешко повреден
Синоќа, во 19.20 часот, во СВР Куманово било пријавено дека на регионалниот пат Куманово – Скопје, кај с. Ново Село, Кумановско, патничко возило „сеат“, со кумановски регистарски ознаки, управувано од А. З. (20) од Куманово, излетало надвор од коловозот.
Во несреќата тешки телесни повреди добил возачот, констатирани во комплексот клиники „Мајка Тереза“ во Скопје.
Извршен бил увид од екипа на СВР Куманово.
Црна хроника
Приведени крадци во Битола
Вчера, во Битола, полициски службеници од СВР Битола ги лишиле од слобода К. Б. (30) и Н. Б. (41), двајцата од Битола.
При претрес во домот на К. Б., извршен со судска наредба, биле пронајдени и одземени пари во разни апоени и повеќе предмети за кои постои сомнение дека потекнуваат од кривично дело тешка кражба по член 236 од Кривичниот законик.
А при претрес во домот на Н. Б., извршен исто така со судска наредба, биле пронајдени повеќе предмети за кои постои сомнение дека потекнуваат од кривично дело тешка кражба по член 236 од Кривичниот законик.