Црна хроника
Газда на велешка фирма на дело ги фатил вработените како го крадат
Двајца камионџии автопревозници на фирмата Николчев – Груп С.К 37 годишен и десет години помладиот И.Ш. од Албанија со привремен престој во Македонија и двајца малолетници заработија кривична пријава поради основано сомневање дека сториле кражба
Двајцата осомничени со товарно возило „сканија“ требало да превезуваат бакар од Велес за Скопје. Но наместо превозот имале друга идеја,јавува порталот Лисица.Дел од вредниот метал да го задржат за себе и потоа да го продадат во откупните пунктови на отпадите за кој ќе заработат присотјна сума. Откако тргнале од Велес ,телефонски се договориле до две малолетни деца на возсраст од 15 и 17 години да земат дел од товарот. Четворицата се нашле на паркинг просторот кај селото Ветерско и започнале да истовараат вреќи со бакар.Но во тој момент таму поминал и лично ги видел сопственикот на фирмата Николчев Груп за која тие и го пренесувале товарот. Веднаш ја известил полицијата по што лицата се приведени а предметите се одземени со потврда и подоцна му се вратени на сопственикот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.