Црна хроника
Скопјани украле податоци од стотина картички
Истражен судија одредил 15-дневен притвор за двајца скопјани осомничени за криминал со платежни картички, соопшти Министерството за внатрешни работи (МВР)
Пред четири дена скопјаните на банкомат на домашна банка во Скопје монтирале опрема за прибавување на банкарски податоци за изработување на лажни платежни картички и уред за снимање на видо записи од ПИН кодовите.Во два наврати го монтирале уредот на банкомат во Скопје и околу 17:30 часот истиот ден при обид да го отстранат биле приведени.При претреси во нивните домови и возилата кои ги користеле е пронајден уредот за прибавување на банкарски податоци и уредот за снимање на пиновите од платежните картички.Во домот на еден од приведените пронајдена е фалсификувана платежна картичка. За околу четири часа додека уредот бил монтиран на банкоматот, на него се снимени околу 100 записи од внесени пин кодови.Во првата половина од годинава регистрирани се 26 кривични дела од областа на компјутерскиот криминал.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.