Црна хроника
Кривични пријави за раководството на РЕК Битола
Битолската полиција поднесе кривични пријави против раководството на комбинатот во РЕК Битола за злоупотреба на службената положба и овластувања, соопшти МВР
Дванаесетмината раководители пред две години потпишувале фактури за правни лица за работна рака и работни часови за услуги од надворешни извршители, со што го надминале износот кој бил предвиден.Директорот на подружница РЕК Битола – Новаци заедно со поранешниот технички директор и другите пријавени лица потпишале 72 фактури од различни фирми во вкупен износ од повеќе од 7 милиони евра, а за услуги од работна рака за ремонт на постројки во термоелектраната Битола биле предвидени околу 3 милиони евра.Исто така, двајцата пријавени потпишале 86 фактури од правни лица кои се однесувале на работна рака за услуги од надворешни извршители спротивно на определениот број на извршители и работни часови. Со тоа вработиле поголем број на работници со повеќе работни часови.Во криминалот им помагале останатите пријавени, меѓу кои бил помошникот директор за комерција при РЕК Битола, самостоен референт во комерција и други лица кои ја злоупотребиле службената должност. Заедно потпишале вкупно 880 фактури.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.
Црна хроника
Се степале вработени во болница во Карпош
Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени во установата.
По целосно документирање на случајот ќе следува соодветен поднесок, објави МВР во дневниот билтен.