Црна хроника
Потврдена казната за возачот на Тоше
Апелацискиот суд Скопје ја потврди пресудата на Основниот суд 1 за затворската казна во траење од две години за возачот на туарегот во кој загина Тоше Проески
„Пресудата е правосилна. Предметот е симнат до Основниот суд 1 за да ја достави до странките“ потврди за Макфакс, претседателот на Апелацискиот суд, Вангел Митриновски.Кривичниот суд на 21 октомври минатата година го осуди Ѓорѓи Ѓорѓиевски, возачот на Тоше Проески на две години затвор. Според судот виновен е затоа што возел повеќе од дозволеното и не држел соодветно растојание кога го претекнувал камионот.Несреќата во која загина македонската поп-ѕвезда Тоше Проески се случи на 16 октомври пред три години во Нова Градишка во Хрватска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.
Црна хроника
Ограбиле менувачница во Чаир, украле сеф со пари и избегале со возило без таблички
Вчера во 10.15 часот во СВР Скопје, М.Д.(42) од Скопје пријавил дека околу 04.20 часот неколку лица со употреба на сила и погоден предмет влегле во неговата менувачница на подрачје на Чаир и одзеле сеф со пари, по што заминале со патничко возило „фолксваген џета“ без регистарски ознаки.
По преземени мерки и активности, возилото било пронајдено на паркинг простор на подрачје на Чаир.
Се преземаат мерки за целосно расчистување на случајот.
Црна хроника
Скопјанец нападнал вработена во нотарска канцеларија
Скопјанец нападнал вработена во нотарска канцеларија.
На 16.04.2024 во 11.45 часот во СВР Скопје било пријавено дека во нотарска канцеларија во Скопје, Б.Ј. од Скопје физички нападнал една вработена.
Се преземаат мерки за расчистување на случајот.