Црна хроника
Македонец и Мароканец киднапирале Бугарин во Италија
Девојче од Бугарија го спасила својот киднапиран татко и и помогнала на италијанската полиција да ги уапси киднаперите
Италијанските медиуми јавуваат дека триесет и двегодишен марокански и дваесет и осумгодишен македонски државјанин се уапсени поради киднапирањето, во италијанскиот град Лесина.Според италијанскиот весник, четириесет и шестгодишниот Бугарин позајмил пари од Мароканецот. Откако му вратил дел од парите, Бугаринот избегал во Калабриа.Бугаринот бил под притисок да ги врати парите, па одлучил да се врати во Лесина и да се обиде да се договори.Сепак, Мароканецот и македонскиот државјанин го фатиле, го врзале со јаже и го однеле во полињата. Таму, тој бил приморан да и се јави на неговата ќерка во Калабриа и да и каже да префрли 600 евра на агенција во Лесина, или дека ќе го убијат.Неговата ќерка ја информирала полицијата и извршила фиктивен трансфер на пари на агенцијата која ја навеле киднаперите. Македонскиот државјанин, кој дошол да ги земе парите од агенцијата, бил уапсен, а кратко потоа бил уапсен и неговиот соработник.Италијанскиот весник не ги наведува имињата на уаспените. Лесина е град јужна Италија со околу шест илјади жители.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.