Црна хроника
Уапсени крадци кои оперирале во Центар и Кисела Вода
Припадниците на единицата „Алфи“ уапсиле тројца крадци во станови и куќи, а по еден се уште трагаат
Четворицата организирано ограбувале станови и куќи во скопските населби Центар и Кисела вода, при што украле предмети вредни вкупно 950 илјади денари.Оперирале речиси една година, најчесто во попладневните часови и ноќе. Се прекачувале преку балкон, со шрафцигери ги отворале балконските врати и прозорци и од куќите и становите краделе златен накит, пари, девизи, техничка стока, мобилни телефони, рачни часовници. Украдените вредни предмети ги продавале и парите си ги трошеле.Алфите ги пресретнале пред една недела околу 3 часот на улицата „Васил Ѓоргов“. Едниот од тројцата пресретнати крадци почнал да бега фрлајќи ја црната фантомка, чифт ракавици и шрафциегерот.Другиот, пак, меѓу автомобилите ја фрлил фантомката и еден пар ракавици, а во него полицијата пронашла приврзок „Сваровски“ и мобилен телефон „Моторола“.Тројцата се приведени во полициската станица Центар и во информативниот разговор со полицијата ги признале кражбите и на полицајците им опишале на кој начин краделе.Полицијата се уште го бара четвртиот крадец од групата и по него е распишана потерница.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.