Црна хроника
Запленети 372 стебла марихуана
Македонската полиција заплени 372 стебла канабис сатива, популарно наречена марихуана, на подрачјето на Прилеп и Битола и приведе три лица, соопшти МВР
Полицијата постапувала по претходно добиено сознание дека во атарот помеѓу селата Бонче, Подмол и Марул, прилепско, има насад со марихуана.. Оперативците од полициската станица во Прилеп на локацијата на споменатите села пронашла 313 стебла марихуана на три различни места на оддалеченост од 50 метри.Марихуаната била засадена од Г.Н. (36), вработен како полициски службеник во ПС Прилеп. Насадите биле заштитени со метална мрежа да не ги изеде добитокот, а за наводнување се користел системот „капка по капка“.Насадите од Г.Н. требало да ги откупи неговиот братучед Д.С. (33) од Прилеп. Против двајцата е поднесена кривична пријава за „неовластено производство и пуштање во промет на наркотични дроги, психотропни супстанци и прекурсори“ и им е одредена мерка притвор во траење од по 30 дена.Во истрагата е вклучен и Секторот за внатрешна контрола на МВР.Истовремено, СВР Битола по претходно оперативно сознание открила 59 насади со марихуана и во брусничко-лавчанскиот регион. Дрогата била одгледувана од Г.М. (33) од Битола, а во претресот на неговиот дом биле пронајдени 22,6 грама марихуана и 310 семки од канабис сатива. Против Г,М. Е одредена мерка притвор во траење од 30 дена, но во отсуство, бидејќи тој е во бегство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.
Црна хроника
Се степале вработени во болница во Карпош
Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени во установата.
По целосно документирање на случајот ќе следува соодветен поднесок, објави МВР во дневниот билтен.