Тепачка во која животот го загуби 34-годишниот српски турист, Дејан Новаковиќ, избила за банална расправија меѓу две групи српски државјани а по вмешувањето на сопственикот на клубот избила тепачка во која се замешале повеќе лица, официјално соопшти попладнево МВР

Како што стои во официјалното соопштение на Министерството за внатрешни работи, од досегашните оперативни сознанија прозилегува дека тепашкат избила заради банални причини, и тоа прво внатре во клубот каде почнала како вербална расправија и тепачка меѓу неколкумина српски државјани. Веднаш потоа лицата што се спречкале се симнале пред клубот и продолжиле со квагата. Еден до сопствениците на клубот препознал свој пријател меѓу инволвираните во тепачката и се вмешал. Но и тој бил нападнат од спротивната страна, по што се вмешале и други лица, а починатиот Дејан Новаковиќ и неговиот пријател Г.П. се обиделе да избегаат. „Во тепачката Г.П. се стекнал со телесни повреди во пределот на главата и телото и откако му е пружена медицинска помош, истиот е пуштен од болница. Исто така на телесни повреди се има пожалено и сопственикот на клубот М.К. кој е повикан во полиција“, се вели во соопштението на МВР до медиумите. Сведок на тепачката птретходно потври за локалните медиуми дека повеќе пред зградата на охридската почта со клуци удирале лице кое лежело на земја, сега починатиот Новаковиќ, додека друго успеало да избега.Македонската полиција трага по уште еден српски и неколку македонски државјани кои биле инволвирани во тепачката. Покрај сопственикот, на разговор во СВР Охрид биле повикани вкупно 30-ина лица, а со наредба на Истражен судија се подигнати и одземени компјутерите од локалот за проверка на евентуални записи од безбедносните видео-камери.Телото на починатиот беше предадено на обдукција, но досега нема потврда за причините поради кои настанала смртта. Според обдуцентите ќе биде потребно дополнително време за извршување на неопходните хистолошки анализи на срцето кои би ги потврдиле сомненијата зошто престанало да работи. Имено по првиот направен преглед, се покажало дека повредите на главата не биле животозагрозувачки.