Црна хроника
Почнува судењето на докторите за лажните инвалидски пензии
За еден час во Основниот суд 1 во Скопје почнува судскиот процес за криминалот со издавањето лажни инвалидски пензии
Обвинети се 36 лица. За случајот „Метастаза“ првообвинет е докторот Сашо Јосимовски (37), лекар од Клиниката за кардиологија и претседател на Комисијата за ревизија за утврдување на инвалидност при Министерството за труд и социјална политика. Неговата соработничка Љубица Величкова (50), началничка на Одделението на комисија за оцена на работната способност во прв степен при Фондот за пензиско и инвалидско осигурување е второобвинета.Според обвинението тие биле први во ланецот лекари и посредници кои имале задача од стручен аспект да направат проценка која документација им е потребна на заинтересираните за пензија. Некои од нив издавале и невистинита медицинска документација, во која наведувале дијагнози со кои барателите полесно го остварувале правото на пензија по приложување на истата кај стручните комисии. Со лекарите соработувале посредниците Азем Кофрц и Љупчо Буитевски, кои ги наоѓале заинтересираните за инвалидска пензија. Нивна задача била да пронаоѓаат лица кои биле заинтересирани за пензија, прибавувале документација, а преку лекарите медицински наоди. Откако ќе била набавена потребната документација, се утврдувала провизијата за заинтересираните лица.Со истрагата беше утврдено дека се наплаќала тарифа од неколку илјади евра во замена за остварување на правото за инвалидска пензија. Криминалот со инвалидските пензии беше откриен во април годинава откако полицијата по примената на посебните истражни мерки во суд спроведе 33 лица, а со истрагата списокот на инволвирани се прошири. Поголем дел од групата се наоѓа во истражниот затвор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.
Црна хроника
Ограбиле менувачница во Чаир, украле сеф со пари и избегале со возило без таблички
Вчера во 10.15 часот во СВР Скопје, М.Д.(42) од Скопје пријавил дека околу 04.20 часот неколку лица со употреба на сила и погоден предмет влегле во неговата менувачница на подрачје на Чаир и одзеле сеф со пари, по што заминале со патничко возило „фолксваген џета“ без регистарски ознаки.
По преземени мерки и активности, возилото било пронајдено на паркинг простор на подрачје на Чаир.
Се преземаат мерки за целосно расчистување на случајот.
Црна хроника
Скопјанец нападнал вработена во нотарска канцеларија
Скопјанец нападнал вработена во нотарска канцеларија.
На 16.04.2024 во 11.45 часот во СВР Скопје било пријавено дека во нотарска канцеларија во Скопје, Б.Ј. од Скопје физички нападнал една вработена.
Се преземаат мерки за расчистување на случајот.