Црна хроника

Уште 21 икона украдени од црква во струшко село

Објавено пред

10 години

- 21 септември, 2010

Од

Украдена е 21 икона од една од најстарите цркви во струшкиот регион „Свети Анастасиј“, во струшкото село Луково, што е уште една од серијата кражби во цркви во Струшкиот регион

Кражбата ја забележале и ја пријавиле локални жители кои случајно минувале и ја виделе надворешната врата на црквата отворена.За неколку месеци ова е втора кражба на икони во ова село, по кражбата на црквата „Свети Ѓорѓија“.Петходно беше ограбена црквата „Свети Спас“ во планинското село Буринец од каде крадците однеле две илјади денари, колку што во тој момент имало во објектот. Арамиите влегле насила со кршење на бравата од металната врата, додека од црквата „Света Богородица Пречиста“ во Локов влегле со кршење на бравата од дрвената врата на објектот од каде однеле една икона.Од Министерството за внатрешни работи велат дека се ангажирани на расветлување на случајот и евентуалното пронаоѓање на крадците за кои се претпоставува дека се дел од организирана група. Испитувањето на терен одело тешко поради оддалеченоста на двете села сместени во планината Јабланица.Полицијата пред во мај годинава откри добро организирана група од Албанија која долго време вршела кражби на икони и други вредни предмети од црквите во Струга од кои беа однесени повеќе од 80 вредни икони од 18 и 19 век.Во септември минатата година беше оргабена црквата „Свети Никола“ во Вевчани која од беа украдени четири икони, два метални крста, како и три примероци на Евангелието, еден сребрен Путир и други поситни предмети. Станува збор за една икона од свети Јован Крстител од 18-ти век, една руска икона од 19-ти век и една икона со ликот на Пресвета Богородица.Претходно истот месец во 2009 г., непознати сторители извршија грабеж во уште три цркви во села од струшкиот атар, притоа одземајќи вредни стари икони. Ограбени беа двете цркви во селото Јабланица и една црква во селото Безево. Од црквите „Света Богородица“ и „Свети Мартинија“ во Јабланица се украдени седум и пет икони, додека од црквата „Свети Великомаченик Димитрија“ од Безево, пет икони. Провалниците тогаш украле и помала сума пари.Меѓу украдените икони се наоѓа и особено вредната што ја изработил познатиот зограф Дичо околу 1824 г.Претходно во периодот меѓу 30-ти и 5-ти септември 2009 г. во Струшко беа ограбени и црквите „Свети Архангел Михаил“ во Ташмаруништа и црквата „Света Богородица“ во селото Долна Белица. На 6-ти септември во „Свети Архангел Михаил“ во Ташмаруништа беше откриено дека се украдени девет икони и две позлатени царски двери.Извори од Министерството за внатрешни работи велат дека се преземаат опсежни мерки за откривање на ограбувачите на црквите. Најверојатно иконите се’ уште се наоѓаат во државата, засега нема потврда дека некои од овие вредни историски дела и предмети се пронајдени во полициската акција „Фаланга“ во која беше откриен синџир за илегална трговија со артефакти и уметнички предмети, за што во притвор се 23 лица.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:

Следно

Психијатарот на возачот на Тоше тврди дека не е дел од “Метастаза”

Претходно

Тепачка кај „Вегера“ во Охрид

Црна хроника

Приведен криминалец баран со потерница

Објавено пред

6 часа

- 22 јануари, 2021

Од

Макфакс

Триесет и тригодишен скопјанец баран со потерница е приведен заради издржување казна затвор.

„Полициски службеници од Единицата за внатрешни работи -Оддел за криминалистички работи Кисела Вода, го приведоа А.С.(33) од Скопје осуден на казна затвор во времетраење од 2 години и 6 месеци.

Лицето ќе биде предадено на казнено поправна установа“, соопшти МВР.

Прикажи повеќе...

Црна хроника

Побаран притвор заради трговија со дрога

Објавено пред

6 часа

- 22 јануари, 2021

Од

Макфакс

Основното јавно обвинителство Скопје поведе постапка против 43-годишен скопјанец, поради неовластено производство и продажба на дрога.

„Осомничениот на 21 јануари 2021 година, околу 17:15 часот, во патничко возило „шкода фабиа“ кое тој го управувал кај ул. Јадранска магистрала, односно на паркинг-просторот позади ресторан ‘Капри“, неовластено заради продажба држел 19.980 грама наркотична дрога марихуана спакувана во две најлонски црни вреќи“, наведе обвинителството.

Јавниот обвинител кој постапува во предметот, по донесување на наредбата за спроведување истражна постапка, во насока на обезбедување непречено одвивање на кривичната постапка, до Основниот кривичен суд Скопје достави предлог за определување мерка притвор за осомничениот.

Прикажи повеќе...

Црна хроника

Обвинение за единаесет лица за шверцување мигранти

Објавено пред

12 часа

- 22 јануари, 2021

Од

Макфакс

По спроведената истражна постапка, Основното јавно обвинителство за гонење организиран криминал и корупција до Основниот кривичен суд – Скопје достави обвинение против 11 лица за шверцување мигранти.

Во периодот од декември 2019 година до октомври 2020 година со умисла и од користољубие обвинетите М. С. (49) и неговиот син С. С. (23), заедно со обвинетиот А. М. (47) и А. А., кој е недостапен на органите на прогонот, организирале група за вршење кривично дело шверцување мигранти.

Припадници на групата станале обвинетите Б. Ј. (23), М. М. (21), Д. С. (29), Т. М. (36), Ф. А. (26) и Д. Љ. (50), кои ги прифаќале и превезувале мигрантите, како и Т. К.-Ц. (53) и Ј. К. (23), кои остварувале чести контакти со обвинетите М. С. и С. С. во врска со извршување на кривичното дело шверцување мигранти.

Воедно, автосервисот, во кој бил вработен обвинетиот Ј. К., бил користен за сервисирање на моторните возила со кои организираната група ги шверцувала мигрантите.

Групата за меѓусебна комуникација користела телефонски апликации на мобилни телефонски броеви од македонски и грчки мобилни оператори преку кои го договарале пренесувањето на мигрантите од Грција во Македонија.

Дејствата ги извршувале преку илегалните премини на т.н. зелена граница во околината на Гевгелија и Дојран, каде што мигрантите од претходно утврдени и договорени локации со возила ги превезувале до претходно извидени и договорени локации во Кумановско-липковскиот Регион. Таму илегалните мигранти во организација на обвинетиот А. М. биле прифаќани, засолнувани и привремено сместувани во објекти на неидентификувани лица, соработници и помагачи на организираната група, а потоа шверцувани преку територијата на Србија кон државите на ЕУ.

Поради начинот и мотивот на извршување на кривичното дело, особено околноста што ова кривично дело има меѓународен елемент во извршувањето и поврзаност на извршители од повеќе земји, Обвинителството достави и посебен предлог со кој се предлага продолжување на мерката притвор за обвинетите М. С., С. С., М. М., Д. С., Д. Љ. и А. М. и мерката куќен притвор за Т. К.-Ц., Ј. К., Т. М. и Ф. А. За обвинетиот Б. Ј. мерката притвор за кривичното дело шверцување мигранти е претходно определена.

Прикажи повеќе...