Црна хроника
Милошоски: За да се дојде до компромис потребен е дијалог, а не црвени линии
Министерот за надворешни работи Антонио Милошоски очекува по денешното обраќање пред Парламентарното собрание на Советот на Европа во Стразбур да биде распрашуван и за спорот со името кој и е наметнат на Македонија од страна на нејзиниот јужен сосед Грција
За проблемот кој директно се однесува и на македонскиот пат кон ЕУ, Милошоски ќе разговара и со шефот на германската дипломатија Гвидо Вестервеле.Во изјава за радио Дојче веле, Милошоски ја појаснува македонската позиција во однос на спорот со името.„За да се случи компромис, мора да има дијалог, а во тој дијалог ако сакаме да имаме продуктивност, не смее да бидеме врзани или ограничени, или самиот дијалог да го попречуваме со изложување црвени линии. Мора да бидеме отворени, продуктивни и да бидеме подготвени да направиме прагматични чекори за да стигнеме до одредено решение по ова прашање, рече шефот на македонската дипломатија.Република Македонија, вели Милошоски, смета дека меѓународнотот право е добра основа за да се бара тоа решение и оти принципите на ОН и почитувањето на човековите права и самоидентификување можат да дадат добра рамка за надминување на македонско-грчкиот спор.„Сметаме дека сувереното право на државите и граѓаните како носители на тој суверенитет да одлучуваат за своите суверени белези за своето национално чувство и самоидентификација, мора да бидат принципи кои ќе бидат почитувани и од Македонија и од Грција и од сите други земји членки на ОН. Во тој контекст подготвени сме за дијалог и сметаме дека грчката реторика треба да сооодветствува со пошироката визија за регионот на Југоисточна Европа, изјави Милошоски.На средба со новинари во Стразбур, тој рече дека Македонија се согласува со ставот билатералните проблеми да не се внесуваат во Европската унија, но тоа треба да важи за сите, а не само за едни, бидејќи како услов тие не се ставени во критериумите од Копенхаген. Според Милошоски, самото зачленување во ЕУ може да се искористи како мотивирачкин фактор за надминување и разрешување на некои проблеми и билатерални прашања, наместо истите да бидат заклучени и да го кочат процесот на евроинтеграции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Детали за кражбата на сефот во скопско Црниче: 23-годишник е еден од осомничените
Основното јавно обвинителство Скопје поведе постапка против 23-годишник осомничен за кривично дело – Тешка кражба од член 236 став 1 точка 1 од Кривичниот законик.
Ноќта меѓу 31 март и 1 април, осомничениот заедно со уште три лица, провалиле во затворен маркет на улицата „Востаничка“ во Скопје, одзеле метален сеф во вредност од 12.000 денари, дневен промет во износ од 228.000 денари и цигари вредни 45.000 денари, или се во вкупна вредност од 285.000 денари.
Со возило пристигнале пред маркетот, со употреба на погоден алат – хебла, клешти и друго делувале врз влезната врата од маркетот, но не успеале да ја отворат. Еден од сторителите го стартувал возилото и удрил со задниот дел, кршејќи ги двете лизгачки врати. Потоа заедно со останатите осомничени ги демонтирале и ги поставиле покрај влезот од маркетот. Преку така направениот отвор сега осомничениот заедно со другите лица влегол во просторијата наменета за вработени, од каде го одзеле металниот сеф со дневен промет и цигарите, па заминале во непознат правец.
Бидејќи постојат околности што очигледно укажуваат на опасност од бегство, јавниот обвинител до судијата на претходна постапка од Основниот кривичен суд Скопје достави предлог за определување мерка притвор на осомничениот. Полицијата соопшти дека работи на откривање на неговите соучесници.
Црна хроника
Казни за 153 возачи во Скопје
Секторот за внатрешни работи Скопје во текот на вчерашниот ден (18.04.2024) продолжи со контролите во областа на сообраќајот.
На територија на град Скопје изречени се вкупно 153 мерки, меѓу кои за возење повеќе од дозволената брзина 28 санкции, 13 мерки за возење без возачка дозвола, 13 санкции за прекршоци што ги прават возачите на мотоцикл, девет мерки за користење мобилен телефон при возење.
Сообраќајните контроли продолжуваат и во наредните денови, најави МВР и апелира до граѓаните да ги почитуваат сообраќајните правила и прописи за посигурни патишта.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.