За три дена живеење со малолетничка , триесет и двегодишен маж кој го присилувал петнаесет-одишното девојче да му биде сопруга, заработи кривична пријава од велешката полиција

Дијана Иванова, од Велес

Триесет идве годишниот велешанец Р.С. заработи кривична пријава затоа што живеел со петнаесет годишно девојче. Тој повеќепати во септември годинава  со сила го терал девојчето да остане во неговиот дом и да имаат сексуални односи. Според СВР Велес, обвинетиот девојчето го запознал при една тепачка, кога тоа било нападнато од друго лице и видно вознемирено. Р.С. за наводно да му помогне на преплашеното девојче, го намамил во својот дом. По кратко време кога девојчето сакало да си оди дома, обвинетиот не ја пуштал туку почнал да и изјавува љубов и и велел дека сака да живее со него и да му биде сопруга. Девојчето не се согласило со понудата и по секоја цена сакало да си замине, но насилникот употребил сила и ја спречил во намерата да си оди, заканувајќи му се дека ќе стори нешто лошо. По заканите и физичкиот напад девојчето се исплашило и останало во куќата на насилникот. Тој пак, употребувајќи сила го натерал девојчето на сексуален однос. Истото го направил уште два пати. Последниот пат на 11 септември, девојчето успеало да го убеди да го пушти да си оди дома, бидејќи нејзините родители ја барале. Триесет и две годишниот маж го пуштил девојчето, но ја присил на родителите да им каже дека сака да се омажи со него. Во спротивно се заканил дека со сила ќе ја земе за жена. Две недели подоцна девојчето повторно се сретнало со насилникот на улица со цел да му каже дека повеќе нема да се гледаат. Обвинетиот  употребувајќи сила го однел девојчето во својот дом и пак го натерал на сексуален однос.Родителите на девојчето го пријавиле неговото поворно исчезнување.во СВР Велес. Полицијата го пронашла девојчето, а насилникот го привела. По извршениот разговор, тој делумно признал дека бил со 15-годишноот девојче.Инаку Р.С. на велешката полиција и е познат од поодамна како сторител на кривични дела против имотот, јавниот ред и мир и недозволена трговија со дрога, за што му биле изрекувани и затворски казни.СВР Велес до Основното јавно обвинителство против Р.С. поднесе кривична пријава за сторено дело вонбрачен живот со малолетно лице.