Црна хроника
Кривична пријава за средношколецот што го избоде соученикот
Министерството за внатрешни работи ќе поднесе кривична пријава за нанесување на тешка телесна повреда против седумнаесетгодишниот С.У., ученик во гимназијата „Орце Николов“, кој вчера попладне со нож избодe двајца средношколци од гимназијата „Никола Карев“, соопшти МВР
Неофицијално, средношколецот кој извадил нож е син на поранешен висок полициски функционер, а едно од повредените деца Н.С (16) е син на началникот на Генералштабот, Мирослав Стојановски.Според првичните информации, двете групи се скарале поради кошаркарскиот натпревар што се одигруваше синоќа меѓу МЗТ Скопје – Работнички.Едната група, биле навивачи на едниот тим, а другата група го поддржувале другиот. Тешко повредениот средношколец, синот на Стојановски e во стабилна состојба.Сè уште се наоѓа на одделот за интензивна нега во специјалната болница за хируршки болести „Свети Наум Охридски“, но од таму велат дека неговата состојба е стабилна. Другото повредено дете А.А. (17) веднаш било пуштено на домашно лекување.Двата средношколски табори се судрија во четврток околу 13 часот на улицата „Никола Тесла“.Прво настанала расправија, а потоа еден од средношколците извадил нож и еден од средношколците од спротивниот табор го прободил со еден убод, а друг средношколец со два убоди од нож.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.