Црна хроника
Шврговски: Не е спорна одлуката на Врховниот суд
Јавниот обвинител Љупчо Шврговски вели дека нема ништо спорно во одлуката на Врховниот суд, да го преиначи решението на Апелација, со кое кумановскиот бос Бајруш Сејдиу требаше да оди во домашен притвор со гаранција од 1,4 милиони евра
„Мое мислење е кога се работи за недозволена жалба единствено решение е да се донесе нова пресуда со која ќе се преиначи, бидејќи жалбата е недозволена за такво решение. Нашиот коментар го претворивме во барање за заштита на законитоста каде истакнавме дека е сторена повреда на кривичен законик“ изјави Шврговски.Адвокатскиот тим на Сејдиу поднел иницијатива за заштита на законитоста до Јавното обвинителство. Шврговски не сака да прејудицира, вели дека ќе го анализираат барањето доколку одбраната го достави.Одбраната на Сејдиу денеска даваше завршни зборови во вториот случај во кој му се суди на Бајруш за малверзации во неколку кумановски фирми.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повредено 22-годишно момче, падналo од мопед на коловоз
Вчера, вo 14.30 часот, во СВР Скопје било пријавено дека на крстосницата од улицата Методија Андонов-Ченто со сервисната улица што ги поврзува клучката Ченто и булеварот Александар Македонски, М. Н. (22) од с. Арачиново, Скопско, кој управувал мопед со тетовски регистарски ознаки, паднал на коловозот.
Во несреќата тешки телесни повреди добил М. Н., констатирани во комплексот клиники „Мајка Тереза“.
Извршен бил увид од екипа на СВР Скопје.
Црна хроника
Тетовец агресивно се однесувал со полицаец што вршел обезбедување на претседателските избори
Вчера, во 18.45 часот, полициски службеници од СВР Тетово пред влезот на основно училиште во Тетово го привеле Ѓ. Ј. (37) од Тетово затоа што агресивно се однесувал кон полициски службеник што вршел обезбедување при одржувањето на претседателските избори.
По документирање на случајот, ќе следува соодветен поднесок.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.