Црна хроника
Уапсени водачите на „Франкфурт мафијата“
Во полициската акција „Диригент“ денеска се уапсени 29 лица од четири града во Македонија, а меѓу уапсените се и организаторите на озлогласената група „Франкфурт мафија“ која се сомничи дека е вклучена во синџир на трговија со дрога во Австрија и Германија
Во акцијата, во која учествувале околу 350 полицајци, уапсен е Зоран Манасков – Скршениот, Спасе Димовски – Ајдукот и неговиот син Томе Димовски сите од Велес. Освен во Велес апсења имало и во Гевгелија, Скопје и Свети Николе.Паралелно на акцијата на македонската полиција во тек беше и акција во Австрија, во која биле уапсени над 50 лица.Сите лица се осомничени дека по разни канали внесувале дрога на територијата на Австрија и Германија, во објекти во Виена и Франкфурт и потоа ги дистрибуирале до поситни дилери од каде што потоа дрогата се продавала по улиците на Виена и Франкфурт.Ова е трета фаза и продолжение на операцијата „Велес“ која беше спроведена на почетокот на оваа година. Во септември во рибниот ресторан „Биг Фиш“ беше убиен еден од водачите на „Франкфурт мафијата“ Јордан Јорданов – Ркулот.Со оглед на тоа дека полициската акција траела неколку месеци наназад постои можност полицијата да го следела и Ркулот пред неговото убиство.„Неколку лица кои се осомничени за инволвираност во оваа франкфуртска мафија беа приведени во операциите во Виена и Франкфурт. Некои од лицата исто така беа приведени и во активностите на полицијата кои што следуваа по операцијата „Велес“ во Виена, но во моментов се наоѓаат на слобода и според сознанијата на МВР изминатиов период продолжија да ги вршат кривични дела за кои постоеја индиции дека претходно ги вршеле“ изјави портпаролот на МВР, Иво Котевски.Скршениот и Ркулот беа уапсени и лани во февруари во акцијата на МВР. Беа осомничени дека ги организирале своите сограѓани од Велес да продаваат хероин во Германија и во Австрија, но поради недостаток на докази беа осудени само за нелегално поседување оружје.Акцијата против „Франкфурт мафијата“ започна кога беа уапсени повеќемина велешани во Австрија и Германија за трговија со дрога.При претреси на домовите на припадниците на нарко групата биле најдени поголеми суми на девизи, неколку килограми дрога и само еден гасен пиштол.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Доживотен затвор за лице што на свиреп начин уби жена во Кочани
По поднесено обвинение од Основното јавно обвинителство Кочани, а по признание на вина, Основниот суд во Кочани донесе осудителна пресуда за едно лице за кривично дело убиство извршено при родово базирано насилство и на свиреп начин, при што за сторителот е изречена казна доживотен затвор.
Обвинетиот на 25.9.2023 година на свиреп начин лиши од живот жена нанесувајќи и многубројни убоди со нож.
Во обвинението Основното јавно обвинителство Кочани го товареше обвинетиот и за кривично дело уцена кон истата оштетена сторено пред убиството. Меѓутоа, тоа дело обвинетиот не го призна, постапката е раздвоена и за тој дел од обвинението ќе продолжи судска постапка.
Црна хроника
Кучиња скитници искасаа три лица во Скопје
Синоќа, во 20.45 часот, во Полициската станица Аеродром, К. И. (48) од Скопје пријавила дека на улицата Владимир Комаров во Скопје била касната од куче скитник.
Истиот ден околу 14.20 часот во Полициската станица Карпош, Б. Р. (54) од Скопје пријавил дека во Градскиот парк во Скопје бил каснат од куче скитник.
Вчер,а во 15.45 часот, во Полициската станица Драчево, А. Н. (52) од Скопје пријавил дека на улицата Јустинијан Први во Скопје бил каснат од куче скитник.
Црна хроника
Возило излетало од патот Куманово – Скопје, возачот тешко повреден
Синоќа, во 19.20 часот, во СВР Куманово било пријавено дека на регионалниот пат Куманово – Скопје, кај с. Ново Село, Кумановско, патничко возило „сеат“, со кумановски регистарски ознаки, управувано од А. З. (20) од Куманово, излетало надвор од коловозот.
Во несреќата тешки телесни повреди добил возачот, констатирани во комплексот клиники „Мајка Тереза“ во Скопје.
Извршен бил увид од екипа на СВР Куманово.