Црна хроника
Шест лица повредени во верижниот судир во „Аеродром“
Во верижната сообраќајна несреќа што се случи синоќа во скопската населба „Аеродром“ шест лица се повредени, меѓу кои едно е во животна опасност, соопшти МВР
Судирот се случи во средата по 21 часот на раскрсницата од булеварите Србија, АСНОМ и АВНОЈ. „Мерцедес“ управуван од дваесетгодишно момче се судрил со уште пет возила „шевролет спарк“, „киа спортаж“, „форд транзит“, „цитроен ц3“ и „хјундаи гец“.Во несреќата со тешки повреди се здобил возачот на „шевролетот“ кој е пренесен на Клиниката за реанимација и интензивно лекување и се наоѓа во животна опасност. Во Градската болница е задржан на лекување сопатник во „мерцедесот“.Возачот на „мерцедесот“ и друг сопатник исто така биле пренесени во Ургентниот центар, но по укажаната помош се пуштени на домашно лекување. Деветгодишно момче и уште еден патник од „хјундаито“, по укажаната лекарска помош во Градска болница исто така се пуштени дома.Од полицијата велат дека увидот е завршен и причините за сообраќајката ќе се утврдуваат, но најверојатна причина за сообраќајката е неприлагодената брзина со која се движел „мерцедесот“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Србин претепал скопјанец по недоразбирање во сообраќајот
Во 02.15 часот во Скопје, полициски службеници од Полициската станица Аеродром го лишиле од слобода М.И.(26) од Република Србија, постапувајќи по претходна пријава дека околу 21.15 часот на 28.03.2024 на подрачјето на општина Аеродром во Скопје, по претходно недоразбирање во сообраќајот, физички го нападнал Д.Ј.(21) од Скопје.
Притоа, Д.Ј. се здобил со тешки телесни повреди констатирани во Комплекс клиники „Мајка Тереза“.
По целосно документирање на случајот ќе следува соодветен поднесок.
Црна хроника
Инспектори затекнале диви менувачници на Бит-пазар и им дозволиле да работат, кривична за шест лица
Единицата за економски и компјутерски криминал при СВР Скопје поднесе кривична пријава против шест службени лица – инспектори, вработени во Државен пазарен инспекторат, и тоа: С.Б.(32), Ј.Р.(54), В.М.(47), Б.С.(46),С.С.(61) и Р.Б.(37), сите од Скопје, за сторено кривично дело „злоупотреба на службена положба и овластување“ од чл 353 од КЗ на РСМ, соопшти денеска МВР.
Во текот на март и април 2023 година, преземајќи службени дејствија и вршејќи контрола кај три објекти обележани како менувачници, лоцирани во близина на Бит Пазар, Скопје, за кои било утврдено дека не биле регистрирани како правни лица и не поседувале лиценци издадени од НБРМ за вршење менувачко работење, а подолг временски период работеле како менувачници, пријавените, како што стои во соопштението, согласно Законот за забрана и спречување на вршење на нерегистрирана дејност согласно кој истите сами навеле дека постапуваат, на затекнатите лица во дивите менувачници биле должни да им изречат решение за забрана за вршење на дејност, да им ги запечатат објектите, да им ги одземат предметите, опремата и средствата со кои е направен прекршокот, како и да им изречат глоба во износ од 1000 до 20.000 евра во денарска противвредност.
– Но, пријавените пазаришни инспектори ги прекршиле сите одредби од наведениот закон и во три извршени вонредни инспекциски надзори на затекнатите лица во сите три објекти како менувачници, ниту им издале решение за забрана за вршење на нерегистрирана дејност, ниту им ги запечатиле просториите каде што ја вршеле противзаконската активност, ниту им ги одзеле средствата, предметите и опремата со кои е направен прекршокот ниту пак им изрекле глоба во износ од 1.000 до 20.000 евра. Напротив, во сите три извршени вонредни надзори на сите три менувачници на секој од сопствениците им изрекле еднократна парична глоба во износ од 80 евра во денарска противредност и ги оставиле и понатаму менувачниците редовно да работат, со што постапиле спротивно на законот за забрана и спречување на вршење на нерегистрирана дејност и со неизвршување на својата службена должност го сториле кривичното дело „злоупотреба на службената положба и овластување“, појаснуваат од МВР во соопштението.
Црна хроника
Крадел во викенд-куќа во Берово: уапсен 36-годишен маж
Вчера, во 18.40 часот, во викенд-куќа на улицата Туристичка во Берово, полициски службеници од Полициската станица Берово го лишиле од слобода Б. Ч. (36) од Берово.
Тој бил затекнат при извршување кривично дело тешка кражба од викенд-куќата, од каде што одзел повеќе предмети.
Бил задржан во полициска станица и во службен разговор признал уште едно кривично дело тешка кражба од друга викенд-куќа.
Некои од одземените предмети биле пронајдени и вратени на оштетените граѓани. По комплетирање на случаите, против Б. Ч. ќе бидат поднесени соодветни пријави.