Црна хроника
Бугари ограбиле од банкомати 18 илајди евра
Тројца бугарски државјани украле повеќе од 18 илјади евра со лажни платежни картички од банкомати на две банки во Скопје. Единицата за борба против организиран криминал против тројцата поднесе кривични пријави
Во јуни минатата година, бугарските државјани набавиле лажни платежни картички и ги употребиле како вистински. На банкомати од две банки во Скопје извршиле 111 успешни трансакции и украле околу 18.000 евра. Освен тоа направиле уште 169 неуспешни трансакции со кои би можеле да украдат уште 25.000 евра.Податоците во лажните картички биле во сопственост на македонски државјани, кои биле прибавени со монтирање на специјално изработени уреди за таа намена на банкоматите.Обезбедени се фотографии за пријавените лица при што извршената анализа на доставените видеозаписи од банкоматите. По извршената споредба е констатирано дека трансакциите ги вршеле тројцата бугарски државјани
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.
Црна хроника
Се степале вработени во болница во Карпош
Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени во установата.
По целосно документирање на случајот ќе следува соодветен поднесок, објави МВР во дневниот билтен.