Црна хроника
Во еден ден пронајдени четири мртви жени
Вкупно четири мртви жени биле пронајдени вчера во Скопје, покажуваат полициските податоци. Три од жените имаат околу седумдесетина година, додека најмладата има 44 години
Првата жена била пронајдена мртва утрово околу 9:30 часот на улицата „Фуштанска“ во Скопје. Нејзиното мртво тело го нашла сосетката Добринка како лежи на грб. Доктор од брза помош констатирал смрт, а нејзиното тело било предадено на обдукција.Втората жена била пронајдена мртва околу 14:20 часот во непосредна близина на депонијата „Вардариште“ поточно во кругот на стационарот за згрижување на бездомни кучиња.Телото на жената било идентификувано и предадено на обдукција. Според првичните информации, се работи за седумдесет и двегодишната Даница од Неготино, која била штитеник на домот за згрижување лица со нарушено здравје „Мајка Тереза“ во Скопје, а било примена со психичко растројство.Околу 18:30 часот синоќа во скопската населба Карпош беа пронајдени мртви мајка и ќерка. Она што најмногу зачудува е што, според првичните информации на полицијата, мајката и ќерката немале траги на насилство, но останува нејасно како починале во исто време.По идентификацијата на телата, од МВР информираа дека станува збор за седумдесет годишната Анка Андонова и нејзината четириесет и четиригодишна ќерка Снежана Чекреџиева.Од судска медицина велат дека се работи на утврдување на точните причини за смртта. Велат дека подоцна ќе излезат со резултати за нивната смрт.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повредено 22-годишно момче, падналo од мопед на коловоз
Вчера, вo 14.30 часот, во СВР Скопје било пријавено дека на крстосницата од улицата Методија Андонов-Ченто со сервисната улица што ги поврзува клучката Ченто и булеварот Александар Македонски, М. Н. (22) од с. Арачиново, Скопско, кој управувал мопед со тетовски регистарски ознаки, паднал на коловозот.
Во несреќата тешки телесни повреди добил М. Н., констатирани во комплексот клиники „Мајка Тереза“.
Извршен бил увид од екипа на СВР Скопје.
Црна хроника
Тетовец агресивно се однесувал со полицаец што вршел обезбедување на претседателските избори
Вчера, во 18.45 часот, полициски службеници од СВР Тетово пред влезот на основно училиште во Тетово го привеле Ѓ. Ј. (37) од Тетово затоа што агресивно се однесувал кон полициски службеник што вршел обезбедување при одржувањето на претседателските избори.
По документирање на случајот, ќе следува соодветен поднесок.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.