Црна хроника
Момче избодено со нож во тепачка
Дваесетгодишно момче синоќа околу 1 часот било прободено со нож во градите во тепачка што се случила на улица „Финска“ пред казино клубот „Астра Мастер Бет“ во скопската населба Ченто, соопштуваат од МВР
Тепачката се случила меѓу две спротиставени групи момчиња, од двете страни по четири лица.Во тепачката дваесетгодишното момче било прободено со нож во грбот, кај градниот кош, а негов врсник се здобил со расекотина на десната аркада. Прободеното момче е пренесено во градската болница, а полесно повредениот бил однесен во Ургентен од каде, по укажаната помош бил пуштен на домашно лекување.Инспекторите излегле на лице место и разговарале со двете повредени момчиња, кои ги идентификувале учесниците во тепачката. Увидната екипа зела траги од крвта но се уште не е пронајден ножот со кој било прободено момчето.Досега се приведени три лица кои се осомничени за вмешаност во тепачката. Ако ова биде потврдено против нив ќе следуваат соодветни пријави.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.
Црна хроника
Се степале вработени во болница во Карпош
Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени во установата.
По целосно документирање на случајот ќе следува соодветен поднесок, објави МВР во дневниот билтен.