Црна хроника
Во Велес полицаец пукал по крадци
Полицијата трага по лицата кои синоќа ја ограбија продавницата „Мастер Нет Електроник“ од кои дел се повредени оти во нив пукал полицаец
Вечерта кон понеделник околу 01:10 по полноќ три засега непознати и маскирани лица извршиле грабеж во продавница за компјутери друга техничка стока. При обидот за кражба биле забележани од полициски службеник кој во тој момент не бил на должност туку седел дома во стан над продавницата лоцирана во кулата спроти поштата.Полицаецот ги видел како украдената стока ја ставаат во багажник на автомобил по што ги предупредил со зборовите „Стој полиција“ но крадците продолжиле и тој испукал неколку куршуми во воздух ,а откако се посомневал дека од возилото кон него е вперена пушка стрелал кон автомобилот.„Полицаецот е на должност 24 часа. Неговата постапка да пука е сосема исправна ,ако се знае дека за ова дело тешка кражба предвидена е поголема затворска казна од четири години„вели Анита П. Стојановска портпарол во СВР Велес.Крадците сеуште се во бегство. Според исказот на полицаецот кој е очевидец на настанот тие возеле автомобил без регистарки таблички и биле маскирани. Истрагата засега осомничи нреколку лица ,но со сигурност не може да се потврди.„Според пријавата крадците украле осум лап – топ компјутери и два LCD телевизори. Тоа е штетата која ја направиле и истата е потврдена од сопственикот„вели Стојановска.Од полицијата велат дека возилото со кое побегнале крадците е забележано на сигурносна камера во бензинската пумпа која е оддалечена неколу стотина метри од местото на настанот.Во последно време продавниците со ваква стока се редовна мета на крадците ,затоа што таа најлесно може да се продаде на црниот пазар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.