Црна хроника
Украдени документи од магацините на Перо Наков
Инспекторите од Управата за финансиска полиција денеска открија кражба во запечатените магацини на „Перо Наков“
Од изутрината инспекторите беа во објектот каде заедно со управителите на фирми од оваа адреса беа да ги отворат запечатените магацини од увидот пред Нова година.При извршениот увид инспекторите констатирале дека и покрај запечатувањето во магацините недостасувале 500 регистри. Според Управата, непознати лица влегле и ги украле регистрите во кои имало обемна документација.Точниот број на документи дополнително ќе се утврдува, бидејки состојбата во магацинот пред запечатувањето била снимена и фотографирана. Ова за Управата е доказ дека документи постоеле и сега се украдени, нешто за што според управата крадците не знаеле.Бидејки Управата се сомнева во сериозно кривично дело уништување докази , прикривање или помагање на осомничени сторители на кривични дела Управата со полицијата врши увид и зема отпечатоци од местото на кражбата.Истражителите во објектот на „Перо Наков“ се влезени уште од рано изутрина, а во телевизијата А1 и во другите фирми беше во контрола и трудовата инспекција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.
Црна хроника
Се степале вработени во болница во Карпош
Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени во установата.
По целосно документирање на случајот ќе следува соодветен поднесок, објави МВР во дневниот билтен.