Црна хроника
Приведен осомничен за убиството во Куманово
Кумановската полиција попладнево објави дека е приведено осомничено лице, во врска со вчерашното убиство на сопственикот на менувачницата „Дај Дам“.
Според првичните информации, убиството го извршило дваесет идвегодишно момче, кому на местото на злосторството му испаднал мобилниот телефон.При извршените вештачења е потврдено присуство на нитратни честички на неговата облека, а неговите отпечатоци се совпаѓаат со трагите подигнати од местото на настанот. Полицијата продолжува да трага по украдените околу 40 илјади евра, а истражува и дали осомничениот имал соучесници.Станува збор за 22-годишниот Рамиз З. од Куманово којзасега е единствениот осомничен за убиството на 62-годишниот Бранко Петрушевски, сопственик на кумановската менувачницата „Дај-Дам“. во саботата. Се очекува Рамиз во текот на денот заедно со кривична пријава за убиство од користољубие да биде предаден на Основното јавно обвинителство во Куманово.Меѓутоа, како што се дознава од полициски извори, во кумановската полиција се приведени уште неколку лица и се врши распит за нивна евентулана вмешаност во организираниот грабеж.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.