Црна хроника
Запленети близу 1,5 килограм кокаин наменети за Охрид
Пресечен е меѓународен канал на транспорт на 1,465 килограм висококвалитетен кокаин кој од Санта Круз, Боливија, преку Франкфурт, Германија требало да заврши во Охрид, соопштуваат од МВР
Кокаинот, кој бил фатен вчера, е со чистота од 95 отсто и со додавање на други примеси, неговата препродажба би можела да достигне и до половина милион евра.„По вчерашната акција, МВР до Основното јавно обвинителство за гонење на организиран криминал и корупција поднесе кривични пријави против едно лице (Б.П.) од Охрид, едно лице од село Велешта, струшко, и две лица од Скопје, поради постоење основано сомнение дека сториле кривично дело – ‘неовластено производство и пуштање во промет на наркотични дроги, психотропни супстанции и прекурзори’“, соопштуваат од таму.Пакетот бил испратен од одреден – Victor Hugo Salvatierra Cespedes (лице кое е наведено како испраќач во испратницата) од Санта Круз, Боливија, и како негова крајна дестинација бил наведен Охрид, а како примач на пратката бил наведен Б.П. против кого сега е поднесена кривична пријава.Примачот пристигнал во просториите на ТНТ-експрес и откако ја подигнал поштенската пратка имал намера пакетот да го предаде на неговиот татко кој бил паркиран непосредно пред ТНТ-експрес. Но набргу по ова од страна на полициски службеници на МВР двете лица биле лишени од слобода.Акцијата е спроведена од Единицата за борба против недозволена трговија со дрога при Одделот за организиран криминал и Царинската служба на Р. Македонија во соработка со полициските служби на Германија, а во координација на СЕКИ центарот од Букурешт, соопштуваат од МВР.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.