Црна хроника
Сејдиу сака во Идризово за да си ја гледа болната сопруга
Судскиот совет во Основниот суд 1 во Скопје одлучи :12 години затвор , да остане мерката притвор и да се конфискува имот на тутунскиот бос Бајруш Сејдии. Судот денеска ја соопшти првостепената пресуда за случајот „Пепел 2“
Според пресудата, Бајруш Сејдиу за кривично дело перење пари доби затворска казна од десет години , а за кривично дело насилство 3, по што спред Законот за крвична постапка му беше утврдена единствена затворска казна од 12 години. Осуден е за финансиски малверзации со пари и имот од неколку кумановски гигантски фирми меѓу кои и „Жито Мел“. За малверзациите одговараа 14 -мина. Осум беа во притвор , двајца во домашен притвор , стечајна судијка се бранеше од слобода, а еден од обвинетите е во бегство. Второобвинетиот доби 15 години затвор за изнуда и други кривични дела, а останатите обвинети од две до 13-годишни затворски казни.Судот при изрекувањето на пресудата даде образложение дека одлуката била тешка задача оти предметот бил обемен и имало огромен материјал . По прегледувањето и анализата на материјалот судот се убедил дека сега осудените биле свесни и сакале да ги извршат кривичните дела. За да ги остварат своите намери се служеле и со насилство. Со лажни и криминални стечаи продавале фирми и имот за кои крајниот купувач не знаел дека е стекнат на криминален начин.По изрекувањето на пресудите Бајруш побара од судот да биде пуштен да се брани од слобода или да биде веднаш префрлен во затворот во Идризово. Поради тешките услови за живот во истражниот затвор Скопје во Шутка Бајруш, кој таму се наоѓа две повеќе од две години, се пожали дека не може често да се среќава со сопругата и децата.„Сопругата е многу болна и оперирана од рак , а децата не можам да ги гледам. Затоа сакам да одам во Идризово”, побара Бајруш од судот. Судиите по кратко советување одлучија притворот за сите обвинети да остане до правосилност на пресудата.Еден од обвинетите се пожали дека одлуката била политичка , противзаконска и неуставна. Судијата го слушаше неколку минути, но кога обвинетиот почна да зборува за судијата го прекина.Судијата еден час читаше колку пари, куќи, имот жито ќе се заплени од обвинетите. Исто така сите приватизации и стечаи по правосилност на пресудата ќе се поништат. Вредноста на запленетиот имот се проценува на неколку милиони евра. Обвинителот на овој случај не знаеше да каже колку е вреден имот што би се запленил. Адвокатите најавија жалби пред Апелациониот суд во Скопје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.
Црна хроника
Се степале вработени во болница во Карпош
Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени во установата.
По целосно документирање на случајот ќе следува соодветен поднесок, објави МВР во дневниот билтен.