Црна хроника
Петчлена група осомничена за милионска царинска измама
Вкупно пет лица од Скопје и Тетово се осомничени дека во периодот од 2007 до 2009-та година преку избегнување на царина и Данок на додадена вредност, буџетот го оштетиле за 57.771.038 денари (над 1.200.000 американски долари), информираат од Царинската управа
Петте лица се осомничени дека во посочениот период преку две фирми од Скопје и Тетово, направиле увоз на кондиторски производи од Турција и пријавиле вредност на стоката од 1.784.214 долари, наспроти реалната вредност од 4.705.214 долари.Директорот на управата, Ванчо Каргов и министерот за финансии, Зоран Ставрески информираат дека, иако има елементи дека делото е организирано, сепак нема индиции дека има некаква поврзаност со случајот „Пајажина“.„Овој случај не е поврзан со случајот “Пајажина“. Според досегашни сознанија што ги имаме, нема никакво поврзување со случајот “Пајажина“, изјави директорот Каргов.„Случајот сам за себе е помала пајажина. Има прилично елементи кои што укажуваат на тоа дека е организирано делото и дека е направено во соработка во различни делови на различни луѓе коишто биле вклучени во тој процес. Ќе се истражи тоа и ќе се утврди кој се бил вклучен“, рече министерот Ставревски.Царинската управа веќе поднесе кривични пријави против петте лица. За тројца од осомничените кои се во бегство во отсуство им е одреден притвор, додека на едно лице му е одземен пасошот.Министерот Ставревски, исто така, информираше дека Царинската управа во периодот од 2007 до 2010 постапила по вкупно 980 случаи, од кои во 152 е утврдено дека при царинењето се приложени лажни фактури. За овие случаи се поднесени вкупно 206 кривични пријави за царинска измама и даночно затајување против 197 правни лица и 229 физички лица, за избегнување на царински давачки од вкупно 305 милиони денари.Ставревски информираше и дека во периодот од 2004 до 2006 година било постапувано по 330 случаи за што биле поднесени 90 кривични пријави.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.
Црна хроника
Се степале вработени во болница во Карпош
Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени во установата.
По целосно документирање на случајот ќе следува соодветен поднесок, објави МВР во дневниот билтен.