Во контрола на полициски службеници од Гостивар, затворен е угостителски објект во с.Беловиште, информираат од МВР

Вчера вечер во 21.20 часот, полициски службеници од Гостивар, заедно со државниот пазарен инспекторат, извршиле контрола во угостителски објект во с.Беловиште, гостиварско, сопственост на П.М.(50), при што констатирале дека објектот работи по дозволеното време за работа и внатре биле затекнати седум лица со сопственикот.

Поради непочитување на работното време, односно постапување спротивно препораките од Владата, објектот бил затворен од државниот пазарен инспекторат, а сопственикот бил лишен од слобода и приведен во полициска станица.

По целосно документирање на случајот против П.М. ќе биде поднесена пријава заради непостапување според здравствените прописи за време на епидемија, информираат од МВР.

Двајца напаѓачи ограбиле охриѓанец на улица. Тие му украле мобилен телефон и картички, од кои подоцна извадиле пари.

Според информациите на СВР Охрид, вчера, во 21.40 часот, било пријавенo дека на крстосницата помеѓу улиците Серафим Китаноски и Војдан Чернодрински во Охрид две лица физички го нападнале Ф. К. (31) од Охрид и со закана му украле мобилен телефон и две банкарски картички, од кои подоцна подигнале 20.000 денари.

СВР Охрид презема мерки за расчистување на случајот.

Во скопското село Трубарево, во вечерните часови на 28 февруари, полицајци сопреле автомобил „шкода“, со скопска регистрација, во кој биле пронајдени предмети од претходно извршена тешка кражба.

Како што информираат од МВР, „шкодата“ била управувана од Д. К. (31) од Куманово, а совозач бил А. Ј. (33) од Скопје. Двајцата веднаш биле уапсени поради сомнение за сторено кривично дело тешка кражба.

Заедно со предметите тие биле предадени во Полициската станица Гази Баба и во извршениот разговор изјавиле дека кражбата ја извршиле истиот ден од вагон на железничката станица во Трубарево.