Црна хроника
Приведени киднаперите на братучедите Бајрами- од нив се уште нема трага
Полицијата по 13 месеци ги приведе киднаперите на двајцата братучеди Иљаз и Исмаил Бајрами, кои беа киднапирани пред слаткарницата „Берн“ во трговскиот центар „Чаирчанка“во април минатата година.
Приведена е седумчлена група од кои четворица се од исто семејство. Според полицијата, во април, киднаперите со удари од кундаци на огнено оружје и закани, ги ставиле братучедите, во автомобил „Фолксваген туарег“ со скопски регистерски таблички и во автомобил „шевролет – каптива“ и ги однесле во непознат правец. Досега нема ни трага ни глас од киднапираните братучеди. Се започнало кога киднаперите околу 21:30 часот на 1 април дошле пред слаткарницата „Берн“ со „фолксваген – туарег“, “шевролет-каптива“ и “голф 3“ со темна боја. Излегле од автомобилите и се сретнале со двајцата братучеди кои таму стигнале со „БМВ-520“.Пред слаткарницата започнале расправија која прераснала во напад. Осомничените извадиле од возилата автоматски пушки и метални прачки и ги нападнале двајцата братучеди, удирајќи ги по телото и главата. Ги ставиле двајцата братучеди во автомобилите и заминале кон скопската населба Бутел. Нивното возило го зел еден од осомничените. Другиот ден случајот го пријавиле родителите на двајцата киднапирани. На 4-ти, истиот месец полицијата го пронајде возилото на киднапираните и е предадено на вештачење. Овој месец биле извршени претреси во домовите на осомничените. За едниот од осомничените потврдено е дека во Австрија е фатен при крадење во банка каде моментално ја издржува казната„Од извршениот претрес пронајдени се и одземени следниве предмети: шест разни моторни возила, моторцикл „кавасаки“, 20 телефонски апарати, 20 сим картички, три метални палки на расклопување, два двогледа, УСБ, компјутери, нож, прашкаста материја, печати, службена легитимација од царина, ловна пушка и други предмети кои ќе бидат предадени во Одделението за крим-техника на Министерството за внатрешни работи за вештачење“ се вели во соопштението на МВР.Сите осомничени претходно биле пријавувани за повеќе кривични дела, разбојништва, убиство, грабнување
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Инспектори затекнале диви менувачници на Бит-пазар и им дозволиле да работат, кривична за шест лица
Единицата за економски и компјутерски криминал при СВР Скопје поднесе кривична пријава против шест службени лица – инспектори, вработени во Државен пазарен инспекторат, и тоа: С.Б.(32), Ј.Р.(54), В.М.(47), Б.С.(46),С.С.(61) и Р.Б.(37), сите од Скопје, за сторено кривично дело „злоупотреба на службена положба и овластување“ од чл 353 од КЗ на РСМ, соопшти денеска МВР.
Во текот на март и април 2023 година, преземајќи службени дејствија и вршејќи контрола кај три објекти обележани како менувачници, лоцирани во близина на Бит Пазар, Скопје, за кои било утврдено дека не биле регистрирани како правни лица и не поседувале лиценци издадени од НБРМ за вршење менувачко работење, а подолг временски период работеле како менувачници, пријавените, како што стои во соопштението, согласно Законот за забрана и спречување на вршење на нерегистрирана дејност согласно кој истите сами навеле дека постапуваат, на затекнатите лица во дивите менувачници биле должни да им изречат решение за забрана за вршење на дејност, да им ги запечатат објектите, да им ги одземат предметите, опремата и средствата со кои е направен прекршокот, како и да им изречат глоба во износ од 1000 до 20.000 евра во денарска противвредност.
– Но, пријавените пазаришни инспектори ги прекршиле сите одредби од наведениот закон и во три извршени вонредни инспекциски надзори на затекнатите лица во сите три објекти како менувачници, ниту им издале решение за забрана за вршење на нерегистрирана дејност, ниту им ги запечатиле просториите каде што ја вршеле противзаконската активност, ниту им ги одзеле средствата, предметите и опремата со кои е направен прекршокот ниту пак им изрекле глоба во износ од 1.000 до 20.000 евра. Напротив, во сите три извршени вонредни надзори на сите три менувачници на секој од сопствениците им изрекле еднократна парична глоба во износ од 80 евра во денарска противредност и ги оставиле и понатаму менувачниците редовно да работат, со што постапиле спротивно на законот за забрана и спречување на вршење на нерегистрирана дејност и со неизвршување на својата службена должност го сториле кривичното дело „злоупотреба на службената положба и овластување“, појаснуваат од МВР во соопштението.
Црна хроника
Крадел во викенд-куќа во Берово: уапсен 36-годишен маж
Вчера, во 18.40 часот, во викенд-куќа на улицата Туристичка во Берово, полициски службеници од Полициската станица Берово го лишиле од слобода Б. Ч. (36) од Берово.
Тој бил затекнат при извршување кривично дело тешка кражба од викенд-куќата, од каде што одзел повеќе предмети.
Бил задржан во полициска станица и во службен разговор признал уште едно кривично дело тешка кражба од друга викенд-куќа.
Некои од одземените предмети биле пронајдени и вратени на оштетените граѓани. По комплетирање на случаите, против Б. Ч. ќе бидат поднесени соодветни пријави.
Црна хроника
Двајца уапсени, пукале пред кафеана во Охрид
Денеска, во 00.15 часот, пред угостителски објект во охридската населба Чекоштина, полициски службеници од СВР Охрид ги приведоа 67-годишниот К. Б. и 37-годишниот М. П., двајцата од Охрид, извести СВР Охрид.
„Тие претходно го нарушиле јавниот ред и мир со пукање во воздух од пиштол ‘радом’ во калибар од 9 милиметри, сопственост на М. П.“, велат од СВР Охрид.
Пиштолот е одземен и по целосно документирање на настанот, против нив ќе биде поднесена соодветна пријава.