Црна хроника
Покренато обвинение против Рамковски и за уште 22 осомничени
Основното јавно обвинителство за организиран криминал вчера поднело обвинение против Велија Рамковски, сопственикот на А1 телевизија и уште 22 лица за злосторничко здружување, перење пари, злоупотреба на службената положба и овластување, даночно затајување и оштетување на доверители
Обвинителството го товари Велија Рамковски, за основање на 24 фирми во Македонија и странство кои биле раководени од членовите на злосторничкото здружување и биле ставени во функција во зависност од потребите на членовите.Исто лице се појавувало како основач на повеќе фирми, управителите постојано се менувале. Според Обвинителството, доказ дека сите овие фирми биле меѓусебно поврзани говорел фактот што тројца од обвинетите биле овластени потписници за сите фирми.Според материјалните докази и превземените истражни мерки, една од фирмите во која имало тројца вработени на име изработка сценарија и режија за проекти и тоа документарни филмови, забавни, дебатни и контактни емисии до телевизијата доставиле фактури во износ од 3 милиони евра, кои биле книжени и за овој износ медиумот невистинито ги зголемил расходите и го одбегнал плаќањето на соодветни даноци.Според обвинението, исто така се исплаќале големи износи на име плати за вработените, главно во телевизијата, а притоа биле пријавувани на минимални износи на кои бил плаќан данок и придонеси, а во готово на новинарите и другите вработени им биле исплаќани многу поголеми износи, без да се плати данок за овие давачки.Во обвинението се опфатени и злоупотребите при плаќањето односно неплаќањето на рекламите, исплаќањето на огромни средства во износ од околу 430 илјади евра од медиумот на приватните сметки на Рамковски и членовите на неговото семејство кои воопшто не биле вработени во телевизијата.Според обвинението, градењето на дивоградбата во која живее Рамковски и неговото семејство во Нерези била платена од сметката на телевизијата во износ од околу 270 илјади евра, а било прикажано дека се вршат градежни работи за телевизијата.Се переле пари преку повеќекратно плаќање на исти веќе претходно платени фактури и тоа на странски фирми кои според обвинителството биле раководени од злосторничко здружение.Била извршена исплата од една од фирмите регистрирана како книговодствено биро на еден од пишаните медиуми за наводно рекламирање во износ од околу 880 илјади евра,Исплаќањето на платите во готово, на вработените во пишаните медиуми, собирањето на дневниот пазар во готовина, која никаде не била прикажувана.Во соопштението до јавноста, обвинителството соопштува дека додека работеле на овој предмет биле изложени и се уште се изложени на невиден притисок од страна на медиумите на „Перо Наков“.„Основното јавно обвинителство за гонење на организиран криминал и корупција ја извести јавноста дека нема да подлегне на притисоците од било кој вид и дека ќе продолжи како и досега одговорно и законито да ги извршува своите обврски во гонењето на најсериозните облици на криминал во нашата земја“ се вели во соопштението на јавното обвинителство за организиран криминал.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повредено 22-годишно момче, падналo од мопед на коловоз
Вчера вo 14.30 часот во СВР Скопје било пријавено дека на крстосницата од ул.„Методија Андонов- Ченто“ со сервисна улица која ги поврзува клучка Ченто и бул.„Александар Македонски“ М.Н. (22) од с. Арачиново,скопско, кој управувал мопед со тетовски регистарски ознаки, паднал на коловозот.
Во несреќата со тешки телесни повреди се здобил М.Н., констатирани во Комплексот клиники „Мајка Тереза“.
Извршен бил увид од увидна екипа од СВР Скопје.
Црна хроника
Тетовец агресивно се однесувал со полицаец што вршел обезбедување на претседателските избори
Вчера, во 18.45 часот, полициски службеници од СВР Тетово пред влезот на основно училиште во Тетово го привеле Ѓ. Ј. (37) од Тетово затоа што агресивно се однесувал кон полициски службеник што вршел обезбедување при одржувањето на претседателските избори.
По документирање на случајот, ќе следува соодветен поднесок.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.