Црна хроника
Случај „Сопот“: Им дававме леб на КФОР, не ги убивме
Во понеделникот почна судскиот процес „Сопот“ со сослушување на обвинетите
Првообвинетиот Сулејман Сулејмани тврди дека на војниците на КФОР селаните им давале вода и леб. „Ние имаме душа, не сме убијци, ниту, пак, мене како 70 годишен маж некој ми рекол да правам тероризам. Кога пукна мината, ни се стресоа прозорите. Така разбравме дека имало мина“, вели првообвинетиот за организирање на акцијата. Сослушувањето е во тек, следуваат детали.Во Основниот суд 1 во Скопје, во понеделникот, во третиот обид судијата Јани Нича го започна судскиот процес „Сопот“, во кој на голема група жители на кумановското село Сопот им се суди за тероризам. Од подметната мина крај селото во џип на НАТО загинаа војници, а беа повредени жители на соседното село и преведувачка која патувала со нив. На некои од обвинетите веќе во одделни судски процеси им се судеше и се осудени на долгогодишни затворски казни, но по Собраниска комисија формирана за овој случај беше одлучено сите постапки да се спојат во една и судскиот процес да почне од почеток.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.