Црна хроника
Загина работник во гостиварско Чајле
Работник со привремен престој во Гостивар вчера попладне, околу 18:30 часот загина во гостиварското село Чајле, информираат од МВР
Несреќата се случила додека четириесетидвегодишниот Фатмир Стафа работел на ископ на канал за поставување канализациони цевки. Стафа, кој бил албански државјанин, влегол во каналот со лопата за да го расчисти земјиштето. Но дошло до лизгање на земјата којашто го затрупала, при што работникот починал на лице место. Направен е увид, а телото на работникот е предадено за обдукција. Во рок од пет дена, минатата и оваа недела, загинаа двајца работници кои работеа на изградба на објектите од проектот од „Скопје 2014“. И во двата случаи трудовиот инспекторат констатираше неправилности на скелињата од кои што паднаа работниците.Според податоците на Македонското здружение за заштита при работа, во периодот 2007-2010 година просечно по 47 работници го загубиле животот на работното место! Или, конкретно, 41 работник загинал на работното место во 2007, дури 62 во 2008, а во 2009 и 2010 – по 44 работници. Просечно, во минатата година, секој 8 ден по еден работник го губел својот живот додека ги извршувал своите работни задачи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Крадел во викенд-куќа во Берово: уапсен 36-годишен маж
Вчера, во 18.40 часот, во викенд-куќа на улицата Туристичка во Берово, полициски службеници од Полициската станица Берово го лишиле од слобода Б. Ч. (36) од Берово.
Тој бил затекнат при извршување кривично дело тешка кражба од викенд-куќата, од каде што одзел повеќе предмети.
Бил задржан во полициска станица и во службен разговор признал уште едно кривично дело тешка кражба од друга викенд-куќа.
Некои од одземените предмети биле пронајдени и вратени на оштетените граѓани. По комплетирање на случаите, против Б. Ч. ќе бидат поднесени соодветни пријави.
Црна хроника
Двајца уапсени, пукале пред кафеана во Охрид
Денеска, во 00.15 часот, пред угостителски објект во охридската населба Чекоштина, полициски службеници од СВР Охрид ги приведоа 67-годишниот К. Б. и 37-годишниот М. П., двајцата од Охрид, извести СВР Охрид.
„Тие претходно го нарушиле јавниот ред и мир со пукање во воздух од пиштол ‘радом’ во калибар од 9 милиметри, сопственост на М. П.“, велат од СВР Охрид.
Пиштолот е одземен и по целосно документирање на настанот, против нив ќе биде поднесена соодветна пријава.
Топ
Нападната и ограбена охриѓанка, со тешки повреди пренесена во болница
Вчера во 10.15 часот во СВР Охрид е пријавено дека, на улицата „Марко Несторовски“ во Охрид, едно лице физички ја нападнало 53-годишната О.Т. од Охрид и ѝ одзел пари, извести СВР Охрид.
„Притоа, таа се здобила со тешки телесни повреди констатирани во болницата „Св.Еразмо“ во Охрид“, велат од СВР Охрид.
За настанот, известен е јавен обвинител и се преземаат мерки за расчистување на случајот.