Црна хроника
Запленети околу пет килограми хероин
Полицијата попладнево неофицијално запленила околу пет килограми хероин во тоалетот на железничката станица во Скопје
Според неофицијални и непотврдени информации, на железничката станица биле уапсени две лица, а три лица кои биле вклучени во шверцот веќе се наоѓале во полициска станица. Групата била следена подолго време, а полицијата ги уапсила на железничката станица.Крајната дестинација на хероинот се претпоставува дека требало да биде Австрија, каде хероинот требало да се испорача со воз. Акцијата е се уште во тек и од полицијата официјално не ја соопштуваат точната бројка на уапсени и колку хероин е запленет.Не се исклучува можноста дека овие лица се дел од озлогласената „Франкфуртска мафија“.Министерството за внатрешни работи официјални детали за овој случај најави дека ќе бидат објавени во текот на утрешниот ден.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.
Црна хроника
Ограбиле менувачница во Чаир, украле сеф со пари и избегале со возило без таблички
Вчера во 10.15 часот во СВР Скопје, М.Д.(42) од Скопје пријавил дека околу 04.20 часот неколку лица со употреба на сила и погоден предмет влегле во неговата менувачница на подрачје на Чаир и одзеле сеф со пари, по што заминале со патничко возило „фолксваген џета“ без регистарски ознаки.
По преземени мерки и активности, возилото било пронајдено на паркинг простор на подрачје на Чаир.
Се преземаат мерки за целосно расчистување на случајот.
Црна хроника
Скопјанец нападнал вработена во нотарска канцеларија
Скопјанец нападнал вработена во нотарска канцеларија.
На 16.04.2024 во 11.45 часот во СВР Скопје било пријавено дека во нотарска канцеларија во Скопје, Б.Ј. од Скопје физички нападнал една вработена.
Се преземаат мерки за расчистување на случајот.