Црна хроника
Пукале со калашников пред Основниот суд во Дебар
Двајца дебрани, на околу дваесетгодишна возраст, минатиот месец пукале со калашников пред Основниот суд во Дебар и во близина на Градскиот пазар во Дебар, соопштуваат од МВР
Со автомобил „ауди“ првин застанале пред Основниот суд и од возилото извадиле автоматска пушка и почнале да пукаат. Истото го сториле и кај Градскиот пазар каде испукале неколку куршуми и предизвикале опасност по животот на граѓаните. Вчера бил извршен претрес во домот на двајцата пријавени, при што кај едниот била пронајдена автоматска пушка со бајонет од кинеско потекло. Во близина на судот биле пронајдени чаури, кои заедно со пушката биле предадени на вештачење. Против двајцата е поднесена кривична пријава за “предизвикување општа опасност“ и “недозволено изработување, држење и тргување со оружје и распрскувачки материи“. Вториот од осомничените е се уште во бегство, а на првоосомничениот му е одреден триесетдневен притвор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен Турчин на граничниот премин Ќафасан, на увид дал фалсификувана патна исправа
Денеска во 01.00 часот на Граничниот премин „Ќафасан“, полициски службеници го лишиле од слобода 48-годишниот Т.С.Т. од Република Турција затоа што при пасошка контрола било констатирано дека на увид приложил фалсификувана патна исправа, извести МВР.
Известен бил Јавен обвинител, а тој бил предаден на полициски службеници од Полициската станица Струга за понатамошна постапка.
Црна хроника
Артилериска граната од Првата светска војна пронајдена во Битолско
Вчера во 08.47 часот во СВР Битола, В.К. пријавила дека при извршување работи на нива во село Драгожани, битолско, била пронајдена стара граната, извести МВР.
„Пиротехничар од Дирекцијата за заштита и спасување Битола безбедно ја подигнал гранатата и констатирал дека се работи за артилериска граната од Првата светска војна со калибар 75мм“, соопшти МВР.
Топ
Тешка сообраќајна несреќа во Кичево – три млади лица го загубија животот, има и тешко повредени
Утрово во 4.50 часот на улицата Магистрален пат во Кичево се случила сообраќајна несреќа помеѓу патничко возило „пежо“ со кичевски регистарски ознаки, управувано од С.И.(19) од Кичево и патничко возило „фолксваген голф“ со кичевски регистарски ознаки, управувано од К.Е.(32) од кичевското село Трапчин Дол.
Од здобиените повреди на местото на несреќата починале возачот К.Е. и неговиот сопатник А.С.(20) од село Трапчин Дол, додека возачот С.И. им подлегнал на повредите на пат кон Комплекот клиники „Мајка Тереза“ во Скопје, велат од СВР Охрид.
Со тешки телесни повреди, констатирани во болницата „Св.Еразмо“ во Охрид и во Комплекс клиники „Мајка Тереза“, се здобиле 19-годишната Т.С. од Кичево, В.П.(21) од селото Подвис, кичевско, П.К.(21) од Кичево и еден малолетник од Кичево, сите сопатници во возилото „пежо“.
На местото на несреќата увид извршиле јавен обвинител и полициски екипи. По наредба на јавен обвинител, телата на починатите се дадени на обдукција.