Две лица се повредени во сообраќајка на патот Битола – Ресен. Според информациите на МВР, несреќата се случила вчера во близина на село Братиндол, битолско.

Во несреќата учествувале автомобил „голф“, управуван од П.М.(31) од с.Ротино, битолско и камион „дфм“, управуван од П.М.(71) од с.Облаково, битолско, двете со битолски регистарски ознаки.

По незгодата двајцата возачи се пренесени во Клиничка болница Битола, каде кај П.М.(71) биле констатирани тешки телесни повреди, а кај П.М.(31) телесни повреди. Увид на местото на незгодата извршила екипа од СВР Битола.

Околу 300 килограми кокаин во пакувања со амблемите на спортските тимови „Чикаго Булс“ и „Париз Сен Жермен“, но и луксузниот моден бренд „Диор“ се запленети во Драч при контрола на македонски камион кој превезувал железо, соопшти албанската полиција, а пренесуваат регионалните медиуми.

Спорет РТС, кокаинот бил скриен во шасијата на камионот кој превезувал железо.

Полицијата го уапсила возачот кој е македонски државјанин.

Во охридската полиција во вечерните часови на 16 јуни било пријавено дека во болницата „Св.Еразмо“ со тешки повреди биле донесени М.Ц. (63) од Романија и Т.Ц. (60) од Молдавија.

Полицијата излегла на местото на настанот при што било констатирано дека околу 18 часот М.Ц., кој управувал четирицикл „цфмото“, со охридски регистарски ознаки, на кој сопатничка била Т.Ц., на местото викано „Крстец“ кон селото Велестово, изгубил контрола над возилото, при што тие излетале надвор од коловозот.