Црна хроника
Условни казни за двајца демонстранти од пред Влада, за други двајца постапката е издвоена
Двајца демонстранти од првата група обвинети за насилство во текот на протестите пред зградата на Владата од 5-ти мај добија условни казни од три месеца доколку во рок од една година не извршат кривично дело, јави репортерот на Макфакс од кривичниот Основен суд Скопје 1 Скопје
Едниот до демонстрантите, Бојан Тантуровски, ја призна вината и рече дека на протестот отишол доброволно со намера да протестира мирно. Бил испровоциран,, како што кажа, од тоа што во толпата била прегазена жена и поради тоа реагирал. Меѓутоа, тврди дека не повредил ниеден од полицајците, туку дошол единствено во контакт со штитовите од полицискиот кордон.
И вториот демонстрант, Слободан Пешиќ , ја призна вината и рече дека за време на споменатите протести бил под дејство на алкохол и оти воопшто не се сеќава што се случувало. По 15 часа од инцидентот, рече, му биле измерени околу 2,5 промили алкохол во крвта. Кажа и дека досега бил 62 пати на лекување од алкохолизам, што било без успех, бидејќи прерано го прекинувал болничкиот третман.
Затоа, од страна на судот му беше одредена дополнителна мерка една година секојдневно да оди на терапија на психијатриската клиника во Скопје и да се лекува.
И двајцата демонстрантите кои се условно се осудени, досега немале сторени други кривични дела, истакнаа нивните бранители.
Третиот демонстрант кој се појави пред судот во вторникот, Бошко Јосимовски со прекар „Црвениот“, за кој обвинителството рече дека претходно бил осудуван за повеќе кривични дела, пред судот изјави дека не се чувствува виновен, како и дека тоа што му се става на товара е претерано. Вината, исто така, не ја призна и Алесандар Динев, исто така од Скопје.
Судот за овие двајца демонстранти ја издвои постапката, и за во петок закажа ново рочиште
Обвинителството ги товари демонстрантите за учество во толпа што ќе спречи службено лице во вршењето на службените дејствија. Според Обвинителството, за време на протестите демонстранти учестувале во толпа којашто ги напаѓала полицајците со метални шипки, бекатон плочки и други тврди предмети, пореди што имаше и повредени полицајци
Протестите на 5-ти мај беа организирани откако најголемата опозициска партија СДСМ објави аудио снимки во коишто високи функционери од власта наводно се обиделе да го скријат убиството на Нешкоски, кое се случи ноќта меѓу 5-ти и 6-ти јуни 2011 година, додека власта ја славеше изборната победа./крај/мф/ффс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.