Црна хроника
Магационер од „Идризово“ украл над 4 милиони денари
Магационер во затворот „Идризово“ украл повеќе од четири милиони денари, соопшти МВР.
Магационерот лани украл подвижни предмети коишто му биле доверени и со несовесно работење создал кусок во магацинот.
За да го прикрие кусокот фалсификувал службени исправи при што на старите испратници вметнувал бројки со што ја зголемувал испорачаната стока на корисниците од домот. На тој начин пријавениот го оштетил затворот во износ од 4.263.681 денари.
Магационерот бил задолжен за законито и исправно работење во делот на прием и издавање продукти и материјали за потребите на затворот, при што требало да изготвува документ приемница за извршен прием на стока и документ испратница за извршена достава до корисниците од домот.
Тој од добавувачите примал поголемо количество стоки од кое дел крадел и создал кусок.
Поради забележани нерегуларности, директорот на „Идризово“ наложил да се изврши попис во магацинот, при што бил констатиран кусокот.
Од СВР Скопје извршиле проверки во сметководствената евиденција на затворот и пронашле испратници на кои биле допишувани бројки пред реално испорачаните стоки, а кои не одговарале со бројките во испратниците дадени на корисниците на стоката.
Против четириесет и седумгодишниот З.Р. поднесена е кривична пријава за „затајување“ и „фалсификување исправа“./крај/мвр/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Крадел во викенд-куќа во Берово: уапсен 36-годишен маж
Вчера, во 18.40 часот, во викенд-куќа на улицата Туристичка во Берово, полициски службеници од Полициската станица Берово го лишиле од слобода Б. Ч. (36) од Берово.
Тој бил затекнат при извршување кривично дело тешка кражба од викенд-куќата, од каде што одзел повеќе предмети.
Бил задржан во полициска станица и во службен разговор признал уште едно кривично дело тешка кражба од друга викенд-куќа.
Некои од одземените предмети биле пронајдени и вратени на оштетените граѓани. По комплетирање на случаите, против Б. Ч. ќе бидат поднесени соодветни пријави.
Црна хроника
Двајца уапсени, пукале пред кафеана во Охрид
Денеска, во 00.15 часот, пред угостителски објект во охридската населба Чекоштина, полициски службеници од СВР Охрид ги приведоа 67-годишниот К. Б. и 37-годишниот М. П., двајцата од Охрид, извести СВР Охрид.
„Тие претходно го нарушиле јавниот ред и мир со пукање во воздух од пиштол ‘радом’ во калибар од 9 милиметри, сопственост на М. П.“, велат од СВР Охрид.
Пиштолот е одземен и по целосно документирање на настанот, против нив ќе биде поднесена соодветна пријава.
Топ
Нападната и ограбена охриѓанка, со тешки повреди пренесена во болница
Вчера во 10.15 часот во СВР Охрид е пријавено дека, на улицата „Марко Несторовски“ во Охрид, едно лице физички ја нападнало 53-годишната О.Т. од Охрид и ѝ одзел пари, извести СВР Охрид.
„Притоа, таа се здобила со тешки телесни повреди констатирани во болницата „Св.Еразмо“ во Охрид“, велат од СВР Охрид.
За настанот, известен е јавен обвинител и се преземаат мерки за расчистување на случајот.